नेपालमा नयाँ भेरियन्टको कोरोना सङ्क्रमणको लहर बढेसँगै ज्यान गुमाउनेहरुको सङ्ख्या पनि बढिरहेको छ । कोरोनाबाट ज्यान गुमाउनेहरुको शव व्यवस्थापन सुरुदेखि नै नेपाली सेनाले गर्दै आइरहेको छ ।
काठमाडौं उपत्यकामा कोरोनाबाट निधन हुनेहरुलाई नेपाली सेनाले पशुपतिनाथ परिसरमा रहेको विद्युतीय शवदाह गृहमा जलाउने गरेको थियो । तर सोमबारदेखि शवदाह गृह बिग्रिएपछि कोरोना संक्रमणबाट मृत्यु हुनेको शव खुला स्थानमै जलाउन थालिएको छ।
पशुपति आर्यघाटस्थित विद्युतीय शवदाह गृहको एउटा मेसिन बिग्रिएपछि कोरोनाबाट मृत्यु हुनेको शव बागमती किनारमै जलाउन थालिएको छ ।
एउटा मेसिनले काम नगरेको र शवको संख्या पनि बढेपछि खुला स्थानमा जलाउनुपरेको नेपाली सेनाले जनाएको छ।
केटिएम दैनिकका फोटोपत्रकार मङ्गलबार दिउँसो पशुपति परिसर पुग्दा बागमती किनारमै शव जलाउँदै गरेको देखिन्थ्यो । उनले क्यामेरामा कैद गरेका केही दृश्य ।