गण्डकी प्रदेशका ११ जिल्लामध्ये ९ जिल्लामा आज २ सय बढी सङ्क्रमित थपिएका छन् । तीमध्ये बाग्लुङ जिल्लामा मात्रै ७१ जना सङ्क्रमित थपिएका हुन् ।
स्वास्थ्य निर्देशनालय गण्डकी प्रदेशले आज जारी गरेको विज्ञप्ती अनुसार बाग्लुङमा ७१, कास्कीमा ४६, नवलपरासी पूर्वमा ३९, गोरखामा २१, स्याङ्जामा १४, पर्वतमा ५, मनाङमा ३, तनहुँ र लमजुङमा २-२ जना सङ्क्रमित भेटिएका छन् । मुस्ताङ र म्याग्दीमा पछिल्लो २४ घन्टामा परिक्षण नै नगरिएको हुनाले सङक्रमितको संख्या शून्य रहेको हो ।
अहिलेसम्म गण्डकी प्रदेशमा १९ हजार ४२४ जनामा संक्रमण देखिएकोमा १७ हजार ९ जना संक्रमणमुक्त भएका छन् भने २३२ जनाले ज्यान गुमाएका छन् । प्रदेश स्वास्थ्य निर्देशनालयका अनुसार अहिले सक्रिय संक्रमितको संख्या २ हजार १८३ रहेको छ । सक्रिय संक्रमितमध्ये २ हजार ४ जना होम आइशोलेसनमा रहेका छन् ।
पछिल्लो २४ घन्टामा ६३ जना भाइरसमुक्त भएका छन् भने ज्यान गुमाउनेको संख्या शून्यमा झरेको छ ।
तलको तालिकामा हेर्नुहोस पछिल्लो २४ घन्टामा गरिएको परिक्षण र भेटिएका संङ्क्रमित