बायोग्यास कोइला फ्याक्ट्रीमा लागेको आगो अझै नियन्त्रणमा आउन सकेको छैन । झापा मेचीनगर नगरपालिका–१५ मिलकोटी स्थितमा रहेको बायोग्यास कोइला फ्याक्ट्रीमा विद्युत सर्ट भई आगोलागी हुँदा ठूलो क्षति भएको छ ।
सोमबार बिहान ३ बजेबाट लागेको आगो अझै नियन्त्रणमा आउन सकेको छैन । उक्त आगो नियन्त्रणमा ७ वटा दमकलसहित सेना, प्रहरी, स्थानीयबासी परिचालित भएका छन् । भद्रपुर, मेचीनगर, विर्तामोड, दमक, उर्लावारी र पथरीबाट आएका दमकलले आगो नियन्त्रणमा लिने प्रयास गरिरहेको जिल्ला प्रहरी कार्यालय झापाका सूचना अधिकारी राकेश थापाले केटिएम दैनिकलाई बताए ।
सो आगोबाट अहिलेसम्म अन्दाजी १५ करोड बराबरको क्षति भएको इलाका प्रहरी कार्यालय धुलाबारीले जनाएको छ । आगोबाट मानवीय क्षति भएको छैन ।
हेरौं तस्विरहरु