प्रधानमन्त्री एवं नेकपा एमालेका अध्यक्ष केपी शर्मा ओली र पार्टीका अर्का नेता बामदेव गौतमबीच बिहीबार साँझ भएको डिनर भेटको निकै चर्चा भयो। तर, त्यो भेट अर्थहीन बनेको गौतमले बताएका छन्।
बिहीबार साँझ बालुवाटारमा भएको डिनर भेटघाट औपचारिक कुराकनीमै सीमित रहेको नेता गौतमको सचिवालयले जनाएको छ।
भेटमा ओलीले आफूसँग सहकार्य गर्न अनुरोध गरेको नेता गौतमले बताए। जवाफमा गौतमले ‘फागुन २८ गतेको बैठकको निर्णय फिर्ता लिन अनुरोध गरेको तर पार्टी अध्यक्षले उक्त बैठकको निर्णय फिर्ता नहुने जानकारी दिएको’ बैठकको कुराकानीलाई उद्धृत गर्दै सचिवालयले जनाएको छ।
नेपाल र गौतमसँग कुरा नमिलेपछि, थप कारबाही गर्ने तयारीमा ओली
नेकपा एमालेको दशौं महाधिवेशन आयोजक कमिटीको बैठक आज (शुक्रबार)बस्दैछ । पार्टी विभाजनको डिलमा पुगेका बेलमा प्रधानमन्त्रीको सरकारी निवास बालुवाटारमा विहान ११ बजे एमाले बैठक बस्न लागेको हो ।
बैठकअघि पार्टी अध्यक्ष तथा प्रधानमन्त्री केपी शर्मा ओलीले नेता माधव नेपाल र वामदेव गौतमसँग छुट्टाछुट्टै भेटवार्ता गरे पनि विवाद थप उग्र बनेको छ ।
वार्ता सफल नभएपछि बैठकमा खनाल नेपाल र गौतम पक्ष सहभागी नुहने बुझिएको छ । ओलीसँग विहीबार भएको भेटमा नेपाल र गौतमले बैठकमा नआउने बताइसकेका थिए ।
ओलीले बुधबार र बिहिबार होटल मेरियटमा माधव कुमार नेपालसँग र बिहाबार राती नै बामदेब गौतमसँग वार्तामा बसेका थिए । वार्ता पछि झन् असम्झदारी बढेको नेपाललत बताएका थिए भने खाना बिचमै छाडेर नमस्कार गरेर गौतम बालुवाटारबाट बाहिरिएका थिए ।