सुनसरी बराहक्षेत्रमा छोराले कोखामा प्रहार गर्दा बुबाको मृत्यु भएको छ । गत मङ्गलबार घरायसी विवादका क्रममा बराहक्षेत्र नगरपालिका– ९ का १७ वर्षीय उमेश पौडेलले बुबा उपेन्द्र पौडेललाई कोखामा प्रहार गरेका थिए ।

उमेशले घरमा रहेको तपेस भाँडाले ३८ वर्षीय बुबालाई प्रहार गरेका थिए । छोराले कोखामा हान्दा घाइते बनेका उपेन्द्रलाई विराटनगरस्थित नोबेल अस्पताल पुर्‍याइएको थियो । नोबेलमा उपचारका क्रममा बिहीबार बिहान ७:४५ बजे उनको मृत्यु भएको जिल्ला प्रहरी कार्यालय सुनसरीले जनाएको छ ।

उमेशलाई बुबाको हत्या गरेको अभियोगमा नियन्त्रणमा लिएको जिल्ला प्रहरी कार्यालय सुनसरीका प्रहरी नायव उपरीक्षक नगेन्द्रकुमार कार्कीले केटिएम दैनिकसँग बताए । उनका अनुसार उमेशमाथि अनुसन्धान भइरहेको छ ।