आतंकवादी आक्रमणको जोखिमयुक्त क्षेत्रको रुपमा चिनिएको जम्मु-काश्मीर पछिल्लो समय एक सुन्दर र शान्त क्षेत्र भनेर चिनिन थालेको छ । भारतले सरकारले सन् २०१९ को अगस्त ५ मा जम्मु काश्मीरलाई केन्द्र प्रशासित राज्यको रुपमा पहिचान गरेपछि राज्यमा विकास र आर्थिक उन्नतीका मार्गहरु खुला भएका छन् ।
जम्मु-काश्मीरका सामाजिक संगठनहरुले पनि समाजलाई अग्रगमनतर्फ लैजानका लागि विभिन्न कार्यक्रमहरु गरिरहेका छन् । यही क्रममा अखिल जेके यूथ सोसाइटीले जम्मु काश्मीरको दाल तालको किनारमा काश्मीर समर फेसन कार्यक्रमको आयोजना गरेको छ ।
यहाँको ट्यागोर हलमा आयोजित कार्यक्रममा दर्जनौं स्थानीय मोडलहरू, डिजाइनरहरू, नर्तकहरू, र्याप कलाकारहरूले आफ्नो फेसन शो गरेका छन् । उक्त कार्यक्रममा सयौं कलाकारहरुको उपस्थिति रहेको थियो ।
सञ्चारकर्मीसँग कुरा गर्दा अल जेके युवा समाजका अध्यक्ष साजिद यूसुफले भने, “यो पहिलो फेसन शो हो, जहाँ मोडलहरू र डिजाइनरहरू स्थानीय थिए भने निर्णायकहरु मुम्बई फिल्म उद्योगका प्रतिष्ठित व्यक्ति थिए ।”
सह-आयोजक जम्मू काश्मिर वर्कर्स पार्टीका अध्यक्ष मीर जुनैदले यस्ता कार्यक्रमहरू आयोजना गर्नुको उद्देश्य स्थानीय डिजाइनर र उपत्यकाका कलाकारहरूलाई मञ्च उपलब्ध गराउनु रहेको बताए ।
“केही असामाजिक तत्वहरू उपत्यकामा बहुलवाद र बहु-सांस्कृतिकवादको पुनरुद्धारमा डराउँछन् । उनीहरूले स्थानीयलाई त्यस्ता कार्यक्रमहरू आयोजना नगर्ने वा त्यसमा भाग नलिने धम्कीसमेत दिएका थिए । तर आजको कार्यक्रममा स्थानीय कलाकारहरू, मोडेलहरू, डिजाइनरहरू र दर्शकहरूको सहभागिता यी उपद्रवकारीहरूलाई ठूलो झापड लागेको छ,” जुनैदले भने ।