काठमाडौंको सिनामंगलमा संचालनमा रहेका सुरिया हेल्थकेयर प्रा.लिले नक्कली पीसीआर रिपोर्ट बनाएको पुष्टि भएपछि संचालकसहित त्यहाँ कार्यरत ८ जना कर्मचारी पक्राउ परेका छन् ।
उनीहरुले बैदेशिक रोजगारीमा जाने व्यक्तिहरुको लागि आवश्यक पर्ने कोरोना रिपोर्ट नक्कली सरकारले तोकेभन्दा बढी शुल्क दिएर परिक्षण नै नगरी नेगेटिभ रिपोट दिने खुलेको छ ।
एक वा दुई घन्टामा पिसिआर रिपोर्ट उपलव्ध गराउने भनेर उनीहरुले सेवाग्राहीबाट ९ हजार रुपैँयासम्म लिने गरेको अनुसन्धानबाट खुलेको महानगरी प्रहरी कार्यालयले बताएको छ । प्रहरीले उक्त संस्थाको कम्प्यूटर लगायतका उपकरण नियन्त्रणमा लिएर हेल्थकेयर प्रा.लिको सेवा हाल लाई बन्द गराएको छ ।
पक्राउ पर्ने व्यक्तिहरुको विवरण
१.जिल्ला झापा गौरादह न.पा.वडा नं.७ घर भई हाल का.जि.का.म.न.पा.३२ पेप्सीकोला बस्ने बर्ष ४५ को प्रकाश रायमाझी भन्ने चित्र ब.रायमाझी । (संचालक)
२.जिल्ला सप्तरी राजबिराज न.पा.वडा नं.१३ घर भई हाल ल.पु.ईमाडोल बस्ने बर्ष ३२ को प्रमोद कुमार यादव ।
३.जिल्ला महोत्तरी गौशाला न.पा.१ घर भई बस्ने बर्ष ५० को प्रदिप कुमार गिरी ।
४.जिल्ला महोत्तरी सोनाम गा.पा.वडा नं.६ घर भई हाल का.जि.सिनामंगल बस्ने बर्ष २५ को अमन कुमार यादव ।
५.जिल्ला मोरङ बिराटनगर म.न.पा.वडा न.पा.३ घर भई हाल का.जि.अनामनगर बस्ने बर्ष ३२ को वजेश पोख्रेल ।
६.जिल्ला महोतरी गौसाला न.पा.वडा नं. १ घर भई हाल का.जि.बानेश्वर बस्ने बर्ष २२ को बादल मिरिङ छिङ ।
७.जिल्ला दोलखा बैतेश्वरी न.पा.वडा न.५ घर भई हाल का.जि.चाबहिल बस्ने बर्ष २२ को सरोज क्षेत्री ।
८.जिल्ला सप्तरी मध्यपुरा गा.पा.वडा न.१ घर भई हाल ललितपुर धापाखेल बस्ने बर्ष ४४ को डा.खेलानन्द प्रसाद सिंह । (ब्यवस्थापन प्रमुख)