कञ्चनपुर–महाकाली नदीमा हाम फालेकी महिलाको भारतीय प्रहरीले उद्धार गरेको छ।महाकाली पुलबाट आइतबार साँझ हाम फालेकी नेपाली महिलाको भारतीय क्षेत्रतर्फको चौकीका जल कन्सटेबल प्रताप गढियाले ती महिलाको उद्धार गरेका हुन्।
नदीको गहिराइ अधिक भए पनि ती प्रहरी कन्सटेबलले आत्महत्याको प्रयास गरेकी महिलाको सकुशल उद्धार गरेको गढीयाले बताए।कञ्चनपुरको दोधारा चाँदनी वडा नम्बर–६ निवासी सरस्वती नाम बताउने ती महिलाले घरेलु समस्याका कारण आत्महत्याको प्रयास गरेको भारतीय प्रहरीले जनाएको छ।
ती महिलालाई उद्धार गरिएको बारे नेपाल प्रहरीलाई पनि जानकारी गराएर उनका भाइ सागरको जिम्मा लगाइएको भारतीय प्रहरीले जनाएको छ ।