अब सरकारले सीमा नाकामा होल्डिङ सेन्टर स्थापना गर्ने भएको छ ।

सीमा नाकामार्फत आउजाउ गर्नेलाई व्यवस्थापन गर्न नाकामा एक हजार क्षमताको होल्डिङ सेन्टर बनाउने निर्णय गरेको सरकारका प्रवक्ता पार्वत गुरुङले जानकारी दिएका हुन् ।

पछिल्लो समय भारतमा कोरोना तिब्र गतिमा बढिरहेको छ । दैनिक पौने ३ देखि ३ लाखको हाराहारीमा भारतमा कोरोना संक्रमित भेटिन थालेका छन् । नेपाल भारत खुल्ला सिमाना भएका कारण नेपालमा पनि कोरोना संक्रमण बढ्न थालेपछि सरकारले सीमा नाकामा होल्डिङ सेन्टर स्थापना गर्ने निर्णय गरेको हो ।

यसअगाडी कोरोना महामारी भएको समयमा पनि सरकारले सीमा नाकामा होल्डिङ सेन्टरको व्यवस्था गरेको थियो ।