खैबर पख्तूनख्वा । पश्तून तहफुज आन्दोलन (पीटीएम) का नेता मन्जुर अहमद पश्तुन र राष्ट्रिय सभा (एमएनए) का सदस्य मोहसिन डाबरलाई पाकिस्तान प्रहरीले पक्राउ गरेको छ ।
पाकिस्तानको खैबर पख्तूनख्वामा प्रान्तीय प्रहरीले आइतबार उनीहरुलाई पक्राउ गरेको हो । चार पश्तुन किशोरहरूको हत्याको विरोधमा इस्लामावादतर्फ पश्तुन लङ् मार्चमा भाग लिएको आरोपमा उनीहरुलाई पक्राउ गरिएको जनाइएको छ ।
यसअघि चारजना पश्तुन किशोरहरुको विभत्स हत्या गरिएको थियो । उनीहरुको हत्यारालाई पक्राउ गरि कारबाही गर्नुपर्ने माग गर्दै सयौं मानिसहरु सडकमा उत्रिएर सरकारविरुद्ध विरोध प्रदर्शन गरेका थिए ।
“प्रहरीले # पश्तोन लङ मार्चमाथि इस्लामाबादमा अश्रु ग्यास प्रहार गरेको छ भने मन्जुर पश्तुन र मोहसिन डावरसहित दर्जनौं नेता कार्यकर्ताहरुलाई पक्राउ गरेको छ,” पाकिस्तानी सञ्चारमाध्यमहरुले जनाएका छन् ।
जानीखेलसिट इनमा मार्च २१ मा हत्या गरिएका चार जना पश्तुन किशोरहरुको न्यायको माग गर्दै व्यापक विरोध प्रदर्शनहरु भइरहेका छन् । सरकारले उनीहरुको हत्याको अनुसन्धानमा पनि कुनै तदारुकता देखाएको छैन ।
प्रदर्शनकारीहरुले अधिकारीहरूको निष्क्रियताको निन्दा गर्दै एमएनए डावरले एक ट्वीटमा भनेका छन्, “सरकारले गर्न सक्ने कम्तीमा पनि बढी क्षति हुनबाट बचाउने कामसमेत गरेको छैन ।”