नेपालमा थप ९ जनामा कोरोना भाइरसको संक्रमण पाइएको छ ।
स्वास्थ्य तथा जनसंख्या मन्त्रालयका अनुसार देशभरमा ६ हजार १ सय ५८ जनाको पीसीआर परिक्षण गर्दा ८ सय ३६ र ६ सय २१ जनाको एन्टीजेन परिक्षण गर्दा ६४ जनामा गरी कूल ९ सय जनामा कोरोना भाइरसको संक्रमण पाइएको हो ।
योसहित कूल संक्रमितको संख्या २ लाख ८२ हजार ८ सय ९० पुगेको छ जसमध्ये २ लाख ७४ हजार ८ सय १२ जना संक्रमणमुक्त भइसकेका छन् ।
थप ४ जनाको निधन भएसँगै कोरोनाबाट ज्यान गुमाउनेको संख्या ३ हजार ७० पुगेको छ ।
आज काठमाडौं मा २ सय ८६ भक्तपुरमा १९ र ललितपुरमा ४३ गरी काठमाडौं उपत्यकामा कूल ३ सय ४८ जनामा भाइरसको संक्रमण देखिएको छ । त्यस्तै बाँके जिल्लामा १ सय ३३, कास्की जिल्लामा ४६, रुपन्देहीमा ४३, कैलालीमा ३९, पर्सामा ३० बर्दियामा २७, दाङमा २१् र चितवनमा २२ सहित देशभरका ५६ जिल्लामा कोरोना संक्रमित भेटिएका छन् ।
आज ९ वर्ष भन्दा कम उमेर समूहका १५ जना बालबालिका पनि संक्रमित भएका छन् भने १० देखि १९ वर्ष उमेर समूहका ६६ बालबालिकाहरु संक्रमित भएको मन्त्रालयले जनाएको छ ।
