चितवनको रामपुर क्याम्पसमा दोहोरो झडप भएको छ । विद्यार्थी भर्ना सम्बन्धी विषयमा विवाद हुँदा अखिल क्रान्तिकारी र नेपाल विद्यार्थी संघबिच दोहोरो झडप भएको हो । उक्त झडपमा परि ने.वि.ईकाई सभापति दिपेश बानियाँ र सदस्य खेमराज उपाध्याय गम्भीर घाइते भएका छन् भने अन्यको अवस्था सामान्य रहेको छ ।
आफ्नो विद्यार्थी नेता घाइते भएपछि नेविसंघ आक्रोशित बनेको छ । नेविसंघका महामन्त्री दीपक भट्टराईले केटिएम दैनिकसँग भने, ‘हाम्रो साथीहरु माथि आक्रमण भएको छ । अब हामी चुप लागेर बस्ने वाला छैनौँ ।’
वार्ताको नाममा क्याम्पस परिसरमा बोलाएर आक्रमण गरेको नेविसंघको आरोप छ । आफू लोकतान्त्रिक पद्धति अनुसार शान्तिपूर्ण रुपमा अगाडी बढ्ने हुँदा यस्ता क्रियाकलापहरू अमान्य हुने भट्टराई ले बताए ।