काठमाडौँको अनामनगरमा धोबी खोलाको बाटो हुँदै पैदल यात्रा गरिरहेकी सिन्धुपाल्चोकको घर भई हाल सेतोपुलमा बस्ने राधिका बस्नेत नाक मुख छोपेर हिँडिरहेकी थिइन् ।
खोलाको दुर्गन्धले गर्दा उनीजस्तै सो बाटो पैदल यात्रा गर्ने पैदल यात्रुले नाक मुख धुनेर हिँड्नुपर्ने अवस्था छ ।
धोबीखोलामा अहिले पानी छैन अलि अलि देखिने पानी भनेको त्यस क्षेत्र आसपासका घरबाट निस्कनेको शौचालय र लुगा धोएको फोहोर पानी हो । उक्त फोहोर पानी आफै दुर्गन्धित छ त्यसमाथि मानिसहरूले खोलामा फोहोर फ्याँकिँदा बाटो नै हिँड्न नसक्ने अवस्था सिर्जना भएको छ ।
काठमाडौँ महानगरपालिकाले खोलाहरूमा फोहोर फालेको खण्डमा जरिवाना लिने व्यवस्था गरेको वर्षौँ भयो तर पनि खोलामा फोहोर फ्याक्नेहरु नघटेको तलको तस्विर र भिडिओले पुष्टि गर्छ ।
काठमाडौँ आसपास खोला किनारामा हिँड्ने मानिसहरू नाक मुख थुन्दै हिँड्नुपर्ने अवस्था छ । त्यस्तै गरी निजी संस्थाले फोहोर व्यवस्थापनको निहुँमा फोहोर सङ्कलन गर्ने र फोहोर छुटाउने प्रविधिले उपत्यकाको अधिकांश सडक दुर्गन्धित भएको छ । सेतोपुलदेखि अनामनगरतर्फ आउँदा खोलाछेउमा फोहोर छुट्टाउनको लागि राखिएका गाडीहरूले उक्त सडकलाई झनै दुर्गन्धित बनाएको छ ।
पछिल्लो समय धोबीखोला आसपास घना बस्ती बस्दै गइरहेको छ । खोलाको फोहोरले उनीहरूको स्वास्थ्यमा असर गर्दै गइरहेको अनामनगरमा घर भएकी मीना बस्नेत बताउँछिन् ।
यो समस्या धोबीखोलामा मात्र हैन काठमाडौंमा बग्ने अन्य नदीहरुमा पनि सोही समस्या छ ।
भिडिओ
हेरौं तस्विरहरु
तस्विर भिडिओ : जेइडन क्षेत्री
