शेयर बजार परिसूचक नेप्से झण्डै १६ अङ्कले बढेको छ । बैंकिङ, व्यापार, फाइनान्स, अन्य र बीमा समूहको शेयर घटे पनि अरू समूहको शेयर उकालो लागेपछि नेप्से १५ दशमलव ७२ अङ्कले बढेर २६ सय ७४ दशमलव ४६ विन्दुमा पुगेको छ ।
मङ्गलवार होटल तथा पर्यटन समूहको शेयर २ सय ५ अङ्कले, जलविद्युतको १ सय १४, उत्पादनको एक सय ८३, माइक्रो फाइनान्स समूहको शेयर ६४ अङ्क र विकास बैंकको ३० अंङ्कले बढेको छ ।
मङ्गलवार २ सय १३ कम्पनीका १ करोड ६१ लाख ८ हजार ४ सय ९९ कित्ता शेयर सात अर्ब ४७ करोड ७७ लाख ९५ हजार ७ सय ३८ रुपैयाँमा किनबेच भएका छन् । सबैभन्दा धेरै निफ्राको ३९ करोड ८० लाख रुपैयाँको शेयर कारोबार भयो ।