नेपाल पत्रकार महासङ्घको चुनावमा ५२ पदको लागि १९९ जनाको भिडन्त हुने भएको छ ।
यही चैत २५ गते हुने नेपाल पत्रकार महासङ्घको केन्द्रीय समिति निर्वाचनमा उम्मेदवारी मनोनयन गर्नेको सङ्ख्या १९९ छ तीमध्ये ५२ जना मात्र निर्वाचित हुनेछन् ।
अध्यक्षको लागि ५ जनाको उम्मेदवारी परेको छ भने वरिष्ठ उपाध्यक्षको लागि ४ जनाको उम्मेदवारी परेको छ ।
५२ वटा पदमा कुनैमा पनि निर्विरोध निर्वाचित भएका छैनन् । अर्थात् सबै पदको लागि भोट हाल्नुपर्ने हुन्छ ।
५ जनाको खुल्ला सदस्य पदमा २७ जनाको मनोनयन दर्ता भएको छ । त्यस्तै महिला उपाध्यक्ष, महिला सचिव, आदिवासी जनजाति महिला सदस्य, अल्पसङ्ख्यक सदस्यका १-१ पदमा २ जनाको मनोनयन दर्ता भएको छ । यी मध्ये कुनै एकले आफ्नो मनोनयन फिर्ता लिएमा अर्को एक जना स्वतः निर्वाचित हुनेछन् ।