मधेशको २२ वटा जिल्लामा ४० लाख मानिस बेरोजगार छन् । त्यहाँ जम्मा २८४ वटा स्थानीय तह रहेको छ।
हरेक स्थानीय तहले रु ३-५ लाख रुपैयाँ का दरले युवा वर्गलाई स्वरोजगार बनाउने उद्देश्यले बिना धितो र बिना ब्याजको ऋण उपलब्ध गरायो भने बेरोजगार मानिसहरू केही गर्न उत्साहित हुनेछ ।
मधेशका युवाको उद्यमशीलता वृद्धि गरी स्वरोजगार बनाउन नगरपालिका , गाउँ पालिका र बैङ्क बिच बेरोजगार युवालाई बिना धितो र बिना ब्याज रु तीन लाख देखि ५ लाख सम्म कर्जा दिनेबारे सहमति गर्नुपर्छ ।
ऋण लिने युवाहरू लाई विभिन्न समूहमा विभाजन गरी तालीम दिन स्थानीय तह स्वयं सुरु गर्नुपर्छ ।
तालीमपश्चात् बैङ्कले ती युवालाई स्थानीय तहको सिफारिसमा व्यावसायिक प्रस्तावका आधारमा पालिकाको जमानीमा रु तीन लाख देखि पाँच लाख सम्मका दरले बिना ब्याज कर्जा प्रदान गर्न सक्छ । कर्जाको ब्याज भने पालिकाले तिर्ने बैङ्क सँग सहमति गर्नुपर्छ ।
बैङ्कले पालिकाको सिफारिस एवं उद्यमशीलतासम्बन्धी आवश्यक कागजातसहित प्रक्रिया पुर्याएर बैङ्कले ऋण उपलब्ध गर्न सक्छ । युवालाई उद्यमशीलताका लागि बिना ब्याज रु तीन लाख देखि पाँच लाख सम्म ऋण दिएर कार्यक्रम सञ्चालन मदेसको स्थानीय तहहरूमा गरियो भने यो विश्वकै सबैभन्दा ठुलो जनसङ्ख्या एकै पल्ट बेरोजगारी बाट रोजगारीमा परिणत हुनेछ ।
एउटा स्थानीय तहले एक वर्षमा बढी होइन सिर्फ १ हजार युवालाई यो अभियान मा जोडन सफल भएमा मदेसको आर्थिक वृद्धिमा कायापलट हुनेछ भने मदेसको सबैभन्दा ठुलो समस्या बेरोजगारी समाधान तर्फ उन्मुख हुन थालिनेछ।
मदेसी नागरिक समाजका संयोजक गणेश कुमार मण्डलको फेसबुकबाट