बलिउडको सदाबहार नायिका रेखा ६६ वर्षको उमेरमा पनि आफ्नो सुन्दरताको कारणले चर्चामा छिन् । फिटनेसको कुरा गर्ने हो भने धेरै अभिनेत्रीहरूले उनलाई आफ्नो आइडल मान्ने गरेका छन् ।
पुरानी अभिनेत्री रेखा बलिउडका दर्जनौँ अभिनेत्रीहरूकी स्टाइल आइडल हुन् । उ बेला रेखा आजको मितिसम्म पनि उत्तिकै स्टाइलिस मानिन्छिन् ।
फिल्मको सुटिङ स्पटदेखि पार्टीसम्म रेखाले आफ्नो पृथक् फेसन शैली अपनाउने गर्छिन् । प्राय साडीमा सजिन रुचाउने रेखा आफूले लगाउने पहिरनहरूको छनोट आफैँ गर्छिन् ।
यसबाहेक उनको मेकअप गर्ने शैली पनि पृथक् नै छ । पहिरन र मेकअपसङ मिल्दोजुल्दो गरगहना लगाउनु रेखाको ठुलै खुबी मानिन्छ ।
भारतीय मिडियामा दिएको अन्तर्वार्तामा उनले आफ्नो शरीर र स्वास्थ्य र फिटनेसको बारेमा खुलेर कुरा गर्ने गरेकी छिन् । आफ्नो अनुहारलाई चमक दिन उनी घरमा बनाएको शुद्ध खानेकुरा मात्र खाने गरेको बताएकी छिन् । उनको खानामा हरियो तरकारी, ब्रोकाउली, एवोकाडो, दाल र रोटी खाने गर्छिन् । त्यो खाना सँगसँगै दही उनको प्राथमिकतामा पर्छ । यसको साथसाथै १० देखि १२ गिलास पानी पनि पिउने गरेकी छिन् ।
उनी बेलुकाको ७ बजे भित्रमा रातीको खाना खाइसकेको हुन्छिन् । सूर्य उदाउनु भन्दा अगाडी उठ्ने उनी घरेलु सामाग्रीहरूको प्रयोग गरेर अनुहारमा फेस प्याक लगाउँछिन् ।
अनुहार र जिउँ डालको साथसाथै उनको कपालको पनि चर्चा बलिउडमा हुने गरेको छ । उनी कपालमा तोरी, बदाम र अमलाको तेल लगाउन रुचाउँछिन् ।