सौल/दक्षिण कोरिया
आइतबार भर्चुअल माध्यम जूम मार्फत प्रदेश नम्बर ३ (बागमती प्रदेश) एकता समाज दक्षिण कोरिया को दोस्रो अधिवेशन भव्यताका साथ सम्पन्न भएको छ ।
अधिवेशनको औपचारिक कार्यक्रममा बागमती प्रदेशका मुख्य मन्त्री डोरमणि पौडेलको प्रमुख आतिथ्ययतामा कार्यक्रम सम्पन्न भएको हो। उक्त अधिवेशनबाट रबी प्रताप घिसिङ सर्वसम्मतिबाट अध्यक्षमा चुनिएका छन्।
रामेछाप सम्पर्क समितिका निवर्तमान अध्यक्ष समेत रहेका उनी कोरियामा अति सक्रिय सामाजिक अभियन्ता हुन्। रामेछाप सम्पर्क समितिको नेतृत्वमा रहँदा कुशल नेतृत्व गरेका उनलाई प्रदेश नम्बर ३ (बागमती प्रदेश) एकता समाज दक्षिण कोरिया को कुशल नेतृत्व गरेर संस्थाको गरिमालाई उच्च बनाउन सकिने व्यक्तिको रूपमा लिएको छ।
जुम मार्फत भएको उक्त कार्यक्रममा मुख्य मन्त्रीले समाजको आफ्नै वेबसाइट www.p3uskorea.org समेत उद्घाटन गरेका थिए । प्रदेश सरकार प्रवासी युवाहरूको हितमा सहयोग गर्न सदैव तत्पर रहेको र सामूहिक लगानी र परियोजनाहरूको बारेमा सहकार्य गर्न सकिने मुख्य मन्त्री पौडेलले बताए ।
अध्यक्ष किशोर व्लोन नियोगको सभापतित्वमा भएको उक्त औपचारिक कार्यक्रममा बागमती प्रदेश अन्तर्गतका सबै क्षेत्रीय संस्थाहरूको प्रतिनिधिको सहभागिता रहेका थिए ।
अधिवेशनको बन्द सत्र मार्फत समाजको नयाँ कार्यसमिति निर्वाचित भएको हो । अध्यक्ष घिसिङ सहित वरिष्ठ उपाध्यक्षमा सुरज दर्लामी, उपाध्यक्षमा जयराम ढुङ्गाना, अङ्कित कर्की र मनोज कुमार सुवेदी निर्वाचित भएका छन्। साथै महासचिवमा गोकुल प्रसाद डङ्गोल, सचिवमा रहर लामा र उत्तम खनाल, कोषाध्यक्षमा सुरेश थिङ, सह-कोषाध्यक्षमा सागर लामा रहेका छन् । त्यसैगरि सदस्य तथा जिल्ला संयोजकमा नुवाकोट समाजको तर्फबाट रमेश श्रेष्ठ रहेका छन् । अन्य सदस्य तथा जिल्ला संयोजक पछि क्षेत्रीय संस्थाहरूले पठाए बमोजिम हुने जनाएको छ ।
नव निर्वाचित अध्यक्ष घिसिङले सङ्गठनलाई सामूहिक रूपमा सबैको सहकार्यमा मात्र सफलता पाउने भन्दै सबैको साथ र सहयोगमा संस्था र प्रदेश नम्बर ३ को सफलताको लागि उचित कार्यहरू गर्ने बताए ।