नेकपा प्रचण्ड–नेपाल समूहले आफ्नो पार्टी खारेज गर्ने सर्वोच्च अदालतको फैसलाबारे कानून व्यवसायीसँग परामर्श गरेको छ ।
सिंहदरबारमा जारी परामर्शमा अध्यक्षद्वय पुष्पकमल दाहाल प्रचण्ड र माधवकुमार नेपाल, वरिष्ठ नेता झलनाथ खनाल, प्रवक्ता नारायणकाजी श्रेष्ठ, भीम रावल, देव गुरुङलगायत छन् । संसद् बैठक बहिस्कार गरेर नेताहरु कानून व्यवसायीसँग छलफल गर्न सिंहदरबार पुगेका थिए ।
छलफलमा वरिष्ठ अधिवक्ताहरु शम्भु थापा, रमणकुमार श्रेष्ठ, टीकाराम भट्टराई, मुक्ति प्रधानलगायत सहभागी भएका थिए । सर्वोच्च अदालतले आइतबार केपी ओली र पुष्पकमल दाहाल प्रचण्ड अध्यक्ष रहेको नेपाल कम्युनिष्ट पार्टी (नेकपा) को दर्ता खारेज गर्दै ऋषि कट्टेल नेतृत्वको नेकपालाई वैधता दिने फैसला गरेको थियो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
