नेपाल गणतन्त्रात्मक वैदिक सनातन हिन्दु मुलुक हो र यहाँ वैदिक,पौराणिक र तान्त्रिक महत्त्वलाई दृष्टिगोचर गरी शक्तिको आराधना गरिन्छ । शक्तिको स्रोतका रूपमा दुर्गा भवानीको पूजा तथा आराधना गरी आशीर्वाद प्राप्त गर्ने शास्त्रीय वचन रहेको छ ।
वर्षमा चारवटा नवरात्रहरू पर्दछ र हरेक नवरात्रको छुट्टाछुट्टै महत्त्व रहेको शास्त्रमा उल्लेख गरिएको छ । आषाढ शुक्ल,आश्विन शुक्ल,माघ शुक्ल र चैत्र शुक्ल गरी वर्षमा चारवटा नवरात्रहरूकाे देवी भागवतमा वर्णन गरिएको छ । चैते दसैँ र आश्विन महिनामा पर्ने बढा दसैको अत्यधिक महत्त्व रहँदै आएको छ ।
आगामी समयको विचार गर्नका लागि नवरात्र प्रारम्भमा देवी कुन वाहनमा बसेर घरमा प्रवेश हुन्छिन्, त्यसकै आधारमा आगामी दिन शुभ तथा अशुभ के कस्तो हुन्छ भन्ने आकलन गरी ज्योतिषीहरूले मुहूर्त हेरेर प्रजा तथा राजनेताहरूलाई सचेत गराउने प्रचलन रहिआएकोमा हाल गणतन्त्र आएपछि लोप हुँदै गएको छ ।
२०७७ सालको (नवरात्र ) बडादसैँ कार्तिक १ गते शनिवार देखि प्रारम्भ भएकाले देवी भागवतमा उल्लेख भएअनुसार देवीको प्रवेश अश्व अर्थात् घोडामा सवार भएर आगमन भएको हुँदा छत्र भङ्गयाेग परेकाले शक्तिशाली गठबन्धन धरापमा पर्दा राजनीतिमा ताण्डव सुरु भएको तर्क गर्छन् ज्योतिष तथा वास्तुविद् सुरेश चन्द्र रिजाल । माघ शुक्ल पक्षको नवरात्र माघ ३० गते शुक्रवारदेखि प्रारम्भ भएकाले चैत ३१ सम्म सकारात्मकता समय देखिएको हो । यहीँ समयमा महत्त्वपूर्ण निर्णय लिए शुभ हुन्छ ।
आषाढ शुक्ल, आश्विन शुक्ल, माघ शुक्ल र चैत्र शुक्ल गरी वर्षमा चार ओटा नवरात्रहरू हरूको व्याख्या देवी भागवतमा वर्णन गरिएको छ । यी चार नवरात्रहरूमा आषाढ शुक्ल र माघ शुक्ल पक्षका तिथिहरू लाई गुप्त नवरात्र भनिन्छ । यी नवरात्र साधकहरूका लागि उपयोगी मानिन्छन् ।
चैत्र शुक्ल र आश्विन शुक्ल पक्षमा पर्ने नवरात्रमा आम मानिसहरूले शक्तिको आराधनाका लागि देवीको पूजा गर्ने गर्दछन् । यो वर्ष चैत्र शुक्ल पक्षमा पर्ने दुई वटा चैतेदसैँ एउटै वर्षमा परेको छ । वैशाख ७ गते मङ्गलवार चैत्र शुक्ल अष्टमी अर्थात् चैतेदसैँ परेको नेपाल पञ्चाङ्ग निर्णायक समितिले स्वीकृत गरेको पात्रो (पञ्चाङ्ग)मा उल्लेख छ ।
२०७७ साल आश्विन महिनामा परेको मलमासका कारणले २०७८ सालमा तीनवटा दसैँको संयोग जुरेको हो । २०७८ साल वैशाख ७ गते मङ्गलवार चैत्र शुक्ल अष्टमी अर्थात् चैते दसैँ परेको छ । यो २०७७ साल चैत महिनामा पर्नुपर्ने दसैँ मलमासका कारण वैशाखमा सरेको हो ।
आश्विन २९ गते शुक्रवार बडा दसैँ परेको छ भने सोही वर्ष चैत २६ गते शनिवार चैते दसैँ परेको छ । यसरी हेर्दा एउटै वर्ष तीन दसैँको संयोग जुरेको हो । यस अघि २०५९ सालमा पनि तीन दसैँ परेको थियो र उक्त समयमा पनि राजनीति परिवर्तनका कारणले शेरबहादुर देउवाको चर्चा निकै चलेको थियो ।
अहिले १९ वर्षपछि फेरि पनि यस्तै समय चलिरहेको बेला फेरि एकाएक देउवाको चर्चा चल्नुले पनि अर्थपूर्ण रूपमा हेरिरहेको छ । २०७७ साल चैत ३१ गते प्रारम्भ हुने नवरात्र मङ्गलवार परेकाले यस्तो समय परेको बेला क्षत्र भङ्ग योगका कारण आगामी २०७८ साल असार २६ सम्म विशेष सावधानी अपनाउनु पर्ने देखिएको छ ।
राजा र मन्त्री दुवै पद मगलग्रहले जिम्मा पाएको र राक्षस नामको संवत् परेकाले पनि यो वर्ष अन्य वर्षहरू जस्तै सामान्य नरहने ज्योतिषी रिजालले केटिएम दैनिकलाई बताए ।
