पूर्वाञ्चाल विश्वविद्यालय अन्तरगत काठमाडौंमा रहेका १२ वटा कलेजका विद्यार्थीले आज संयुक्त विज्ञप्ती निकालेका छन् ।
पूर्वाञ्चल विश्वविद्यालय अन्तर्गतका ने.वि.संघ कलेजका इकाइहरुको संयुक्त बैठक बसेर आज ८ बुँदे मागसहित विज्ञप्ती जारी गरेका हुन् ।
विज्ञप्तीमा कोभिड १९ ले गर्दा अभिभावक तथा विद्यार्थीहरुमा पर्न गएको आर्थिक अभावका कारण ५०%, शुल्क मिनाहा गर्न कलेज प्रशासनसंग माग गरिएको छ, त्यस्तै पू.वि.वि.को सम्पर्क कार्यालय काठमाडौंमा स्थायी रुपमा व्यवस्था गर्न, परीक्षा लिएको ३ महिनाभित्र नतीजा प्रकाशन गर्न लगायतका माग गरिएको छ ।
विद्यार्थी नेता किशोर गुरुङ्गले केटिएम दैनिकसँग कुरा गर्दै भने “विश्वविद्यालय शिक्षाको मन्दिर हो, जहाँ धेरै विद्यार्थीहरुको भविष्य जोडिएको हुन्छ, त्यसैले विद्यार्थीको भावनासँग खेल्ने काम हामीलाई सैह्य हुँदैन ।”
विज्ञप्तीमा हस्ताक्षर गरेका एशियन कलेज अफ इष्टडिजका सभापति सञ्जय थापा मगरले आफूहरुका ८ बुँदे मागहरु २४ घन्टाभित्र पूरा नभए नेविसंघले शसक्त रुपमा आन्दोलन गर्ने बताए । त्यस्तै अर्का हस्ताक्षरकर्ता कान्तिपुर सिटी कलेजका सभापति हेकम बमले विश्वविद्यालयले लिएका कुनैपनि अनलाइन कक्षाहरु विद्यार्थीहरुका लागि प्रभावकारी हुन नसकेको गुनासो पोखे ।
यस्तो छ संयुक्त विज्ञप्तीको पूर्णपाठ
मिति : २०७७/११/१७ संयुक्त विज्ञप्ती नेपाल विद्यार्थी संघ आफ्नो स्थापना कालदेखि यो देशको हरेक परिवर्तनमा अग्रणी भूमिका खेल्दै आएको सर्वविदितै छ । देशमा राजनीतिक परिवर्तन भएर अहिले देश संघीय लोकतान्त्रिक गणतन्त्रमा छ । अब देशलाई समृद्धिको बाटोमा अगाडि बढाउन शैक्षिक परिवर्तनको आवश्यकता छ । यसै सन्दर्भमा आज मिति २०७७/११/१७ गतेका दिन पूर्वाञ्चल विश्वविद्यालय अन्तर्गतका ने.वि.संघ कलेजका इकाइहरुको संयुक्त बैठक बसी तपसिल बमोजिमका मागहरु पूरा गर्नका लागि विश्वविद्यालय र कलेज प्रशासनसंग जोडदार माग गर्दछौं ।
हाम्रा मागहरु
१. पूर्वान्चल विश्वविद्यालयले हरेक सेमेष्टरमा मौका परीक्षाको व्यवस्था गर्न जोडदार माग गर्दछौं।
२. बोर्ड परीक्षाको फारम निःशुल्क उपलब्ध गराइयोस् भनी विश्वविद्यालयसंग माग गर्दछौ।
३. नियमित पठन पाठन सुरु नभएको र अनलाइन कक्षाहरु पनि प्रभावकारी नभएको अवस्थामा समेत कलेजहरुले विद्यार्थीबाट शुल्क उठाइरहेका छन् । कोभिड १९ ले गर्दा अभिभावक तथा विद्यार्थीहरुमा पर्न गएको आर्थिक अभावका कारण ५०%, शुल्क मिनाहा गर्न कलेज प्रशासनसंग जोडदार माग गर्दछौं । साथै सम्बन्धन शुल्क पूर्ण रूपमा मिनाहा गरियोस् ।
४. कोभिड १९ ले गर्दा विश्व आक्रान्त पारेको अवस्थामा पूर्वाञ्चल विश्वविद्यालय अन्तर्गतका कलेजहरुमा अनलाइन माध्यमबाट पठन पाठन सुचारु गरियो तर कुनैपनि अनलाइन कक्षाहरु विद्यार्थीहरुका लागि प्रभावकारी हुन सकेनन् । न त पाठ्यक्रम अनुसार पढाइ हुन सक्यो । तर एकाएक विद्यार्थीहरुलाई अन्यौलमा पारेर पृ.वि.वि. ले परीक्षा तालिका सार्वजनिक गर्यो । यो अवस्थामा हामो गम्भीर ध्यानाकर्षण भएको हुँदा केही समय पछाडी सारेर Home Base/Time Bound परीक्षाको उचित व्यवस्था गरियोस् ।
५.परीक्षा फारमको अनलाइन प्रणालीबाट भर्ने व्यवस्था गरियोस् ।
६.हेल्थ साइन्स अन्तर्गत प्रवेश परीक्षा पूरानै प्रणाली अन्तर्गत ६०/४० प्रतिशतको व्यवस्था लागु गरियोस् । पू.वि.वि.को सम्पर्क कार्यालय काठमाडौंमा स्थायी रुपमा व्यवस्था गरियोस् ।
७. परीक्षा रिजल्ट तीन महिनाभित्र प्रकाशित गरियोस् ।
८. नेपाल विद्यार्थी संघ र पृ.वि.वि. बीच भएका पूर्व सहमतीहरु तत्काल कार्यान्वयन गरियोस् ।
उक्त मागहरु २४ घन्टाभित्र सम्बोधन नभए नेविसंघ शसक्त रुपमा आन्दोलन गर्ने उद्घोष गदछौं।
बोधार्थ :
• श्रीमान उपकूलपति ज्यूको कार्यालय, पृ.वि वि. विराटनगर
• श्री डिनको कार्यालय, पू.वि.वि, विराटनगर
• श्री परीक्षा नियन्त्रण कार्यालय, पू.वि.नि. विराटनगर
• ने वि संघ, केन्द्रीय समिति,
• ने वि संघ, प.वि वि समन्वय समिति
• पू.वि.वि.का सम्पूर्ण कलेजहरु
हस्ताक्षरकर्ताहरु
अजुन कार्की
सभापति हिमालयन बाइटहाउस कलेज
दिपक रोकाया
सभापति एग्मी ई. कलेज
महेश सिजापति
सभापति कान्तिपुर ई. कलेज
होम विश्वकर्मा
का वा सभापति हिलसाइड ई कलेज
सञ्जय थापा मगर
सभापति एशियन कलेज अफ ए. इष्टडिज
प्रतीक पाठ
सभापति कान्तिपुर हेल्थ साइन्स एकेडेमी
सुनिल शाही
प्रतिनिधि मोगन ई. कलेज
हेकम बम
सभापति कान्तिपुर सिटी कलेज
धमसिंह ठकुरी
सभापति होपई कलेज
अजब धामी
सचिव आर्यन कलेज अफ ई
प्रमोद राई
सचिव शान ई कलेज
शैलेस बस्नेत
उपाध्यक्ष सिआइटी कलेज