झापाको कनकाई नगरपालिकास्थित सुरुंगामा सडक दुर्घटना भएको छ ।
दुर्घटनामा २ जनाको मृत्यु भएको जिल्ला ट्राफिक प्रहरी कार्यालय झापाले जानकारी दिएको छ ।
बुधबार दिउसो साढे ३ बजे को १ ख १६८४ नम्बरको ट्रकले ओभरटेक गर्ने क्रममा विपरित दिशाबाट आउदै गरेको प्र १–०१–००१ च ०१६७ नम्बरको कार र प्र १–०१–०१३ प १७८३ नम्बरको मोटरसाइकललाई ठक्कर दिदाँ कारमा सवार सुनसरी धरान–१६ का २५ बर्षीय चालक दिपक क्षेत्री र सोलु पासाङ–१ का ३३ बर्षीय दिलिप राना मगर गम्भीर घाइते भई बिर्तामोड स्थित वीएण्डसी अस्पतालमा उपचारको क्रममा साँझ ५ बजे मृत्यु भएको छ ।
कारमा सवार ३० बर्षीय अन्जु मगर, सोही स्थान बस्ने ३० बर्षीय सुरेश मगर र मोटरसाइकलमा सवार शिवसताक्षी–२ का ३९ वर्षीय यामबहादुर श्रेष्ठ, इटहरी उपमहानगरपालिका–४ का ३६ वर्षीय समिर राना र मोटरसाइकल पछाडि सवार निजकै श्रीमती ३१ वर्षीया सोनम श्रेष्ठ घाइते भएको जिल्ला ट्राफिक प्रहरी कार्यालय झापाले जनाएको छ ।
घाइतेहरुको सोही अस्पतालमा उपचार भईरहेको प्रहरीले जनाएको छ । ट्रक, ट्रक चालक मोरङ विराटनगर–१५ बस्ने प्रेमबहादुर वाईबा प्रहरीको नियन्त्रणमा रहेको प्रहरीको भनाइ छ ।
ग्यासको ट्रकले ओभरट्याक गरेको प्रहरीको भनाई छ ।
ट्रक, ट्रक चालक मोरङ विराटनगर–१५ बस्ने प्रेमबहादुर वाईबा प्रहरीको नियन्त्रणमा रहेको प्रहरीको भनाइ छ ।
