झापाको बिर्तामोडस्थित बिएन्डसी अस्पतार परिसरभित्रै खुलेको पूर्वाञ्चल क्यान्सर अस्पताल मंगलबार प्रधानमन्त्री केपी शर्मा ओली र संविधान सभाका अध्यक्ष सुवासचन्द्र नेम्बाङले उद्घाटन गरेका छन् ।
क्यान्सरका बिरामीलाई लक्षित गरी संचालनमा लेराइएको अत्याधुनिक उपकरण सहितको पूर्वाञ्चल क्यान्सर अस्पताल ३ सय शैय्याको हो।
यो अस्पताल खुलेसँगै सुदूरपूर्वका क्यान्सरका बिरामीलाई उपचार गर्न चितवन, काठमाडौं, भारतको सिलिगुडी पुग्नुपर्ने बाध्यता हटेको बताइन्छ ।
पूर्वाञ्चल क्यान्सर अस्पतालको संचालन बिएन्डसी अस्पतालका कार्यकारी निर्देशक दुर्गा प्रसाईंले संचालनमा ल्याएका हुन्।
उक्त क्यान्सर अस्पतालमा रेडियो थेरापी मेसिन, पेट स्क्यान, थ्रिडी मेमोग्राम मेसिन लगायतका अत्याधुनिक मेसिनबाट सेवा दिइने अस्पतालका मेडिकल डाइरेक्टर डा. यादवले जानकारी दिए।
लगभग चार अर्बको लगानीमा अस्पताल निर्माण गरिएको बताइएको छ।
सबै तस्विर : प्रकाश पौडेल / बिर्तामोड झापा
