प्रदेश २ का प्रमुख राजेश झा रातारात फेसबुकबाट बाहिरिएका छन् । फाल्गुण ७ गते (हिजो) राष्ट्रपति विद्यादेवी भण्डारीले प्रदेश २ का प्रमुख तिलक परियारलाई जिम्मेवारीबाट हटाएर मन्त्रिपरिषद्को सिफारिसमा नेपालको संविधानको धारा १६३ को उपधारा (२) बमोजिम रौतहटका राजेश झालाई प्रदेश नं. २ को प्रदेश प्रमुखमा नियुक्त गरेकी थिइन् ।
उनको नियुक्त्ति पछि सामाजिक सञ्जालमा यसअगाडी उनले लेखेका स्टाटसहरुको स्क्रिनसटहरु भाईरल भएका थिए । उनको फेसबुक टाइमलाइनमा भएका पुराना स्टाटसहरु धेरै भन्दा धेरैले शेयर गर्न थालेपछि आजित भएर फेसबुक डिएक्टिभेट गरेको हुनसक्ने सामाजिक सञ्जाल प्रयोगकर्ताहरु बताउँछन् ।
केहि वर्ष अगाडी मात्र उनले गफाडीले देश चलाए भनेर प्रधानमन्त्री ओलीको खुलेरै विरोध गरेका थिए भने राष्ट्रपति भण्डारीको पनि आलोचना गर्दै आएका थिए । अहिले भने उनी केपी ओलीको गुटमा रहेर माधव कुमार नेपाल र प्रचण्डको खुलेरै विरोध गरेका थिए ।
