श्वेता श्री फाउन्डेसनमार्फत बनाइएको सिन्धुपाल्चोक जिल्लाको चौतारा साँगाचोकगढी नगरपालिका १४ स्थित इन्द्रावती नदी किनारामा रहेको माझी बस्तीको बारेमा विभिन्न टीकाटिप्पणी आइरहेको बेला त्यहाँको अवस्था कस्तो छ भनेर हामी स्थलगत रिपोर्टिङमा पुगेका छौँ ।
केही समय अगाडि अभिनेत्री श्वेता खड्काले सामाजिक सञ्जाल मा स्ट्याटस लेख्दै माझी बस्तीको लागि आर्थिक सहयोग गरेका व्यक्तिहरूले कबुल गरे जति रकम नदिएको भन्दै गुनासो पोखेकी थिइन् । तर हामी त्यहाँ पुग्दा भने अर्कै पीडा देखियो ।
नेपाल सरकारले उपलब्ध गराएको ३ लाख र लक्ष्मी बैङ्कमा घरजग्गा धितो राखेर निकालेको ४ लाख गरी प्रतिपरिवारले ७ लाख रुपैंयाको लागतमा उक्त घर निर्माण गरेको पाइयो ।
बिहान बेलुका छाक टार्न मुस्किल पर्ने माझी बस्तीका बासिन्दाहरूले बैङ्कको ऋण तिर्नको लागि मासिक ७ हजार रुपैंया किस्ता तिर्नुपर्ने रहेछ । श्वेता खड्काले बनाएको भनिए तापनि उक्त माझी बस्तीका व्यक्तिहरू श्वेताले बनाएको स्विकार्दैनन् ।
पहिला श्वेताले नै पैसा दिने भनेर घर बनाएको तर अहिले आएर बैङ्कको ऋणले उनीहरू निकै तनावमा रहेको हामीलाई बताए । कस्तो छ त माझी बस्ती त्यहाँका दुःख पीडा अनि स्थानीयहरूको आक्रोश हेर्नुहोस् भिडियोमा