गैर आवासीय नेपालीहरूको संस्था (एनआरएनए) स्पेन विवादमा परेको छ । विवाद बढेपछि स्पेनमा रहेका अधिकांश नेपालीहरूले एनआरएनए बहिष्कार गरेका छन् ।
आधिकारिक आइसिसी सदस्य समेत नरहेका व्यक्ति वीरेन्द्र श्रेष्ठले आफू अनुकूलका केही व्यक्तिहरूलाई समेटेर क्षेत्रीय कमिटी विस्तार गरेपछि विवाद भएको हो ।
वीरेन्द्र श्रेष्ठ, देवकाजी गुरुङ र तुलसी गुरुङ लगायतका व्यक्तिहरूले आफू अनुकूलका पदाधिकारी राखेर क्षेत्रीय कमिटी विस्तार गरेका हुन् ।
उनीहरूले विस्तार गरेको कमिटीमा प्रचण्ड–माधव पक्षका सदस्यता लिएकाहरूलाई समेत बायस्ट गरेका छन् ।
त्यसैको फाइदा उठाउँदै गैर आवसीय नेपालीहरूको भावनामाथि नै चोट पुग्ने गरेर उनीहरूले आफुअनुकुल निर्णय गर्दै हिँडेको नेपाल समाज एसोसिएसनका प्रवक्ता सन्तोष अर्यालले जानकारी दिए ।
उनीहरूले क्षेत्रीय कमिटी विस्तारका क्रममा नेपालीहरूको आधिकारी संस्था नेपाल समाज एसोसिएसन र नेपाल स्पेन समाजलाई बायस्ट गरेका छन् ।
जुन संस्थामा स्पेनमा रहेका १२ सय जना नेपालीहरु आबद्ध छन् । नेकपा ओली पक्षका सदस्यता लिएका उनीहरूले स्पेनमा रहेका नेपालीहरूको संस्थालाई नै फुटाउने उदेश्यका साथ उक्त कार्य गरेता पनि सफल नभएको नेपाल एसोसिएसनको भनाइ छ ।
स्पेनमा रहेको नेपालीहरूले कसैलाई थाहा नै नदिई रातारात विस्तार गरेको उक्त कमिटी तत्काल बदरको माग गर्दै एनआरएनएका अध्यक्ष कुमार पन्त समक्ष आग्रह गरेका छन् ।
यदि तत्काल उक्त निर्णय नसच्चिए आफूहरू कडा कदम चाल्न बाध्य हुने नेपाल एसोसिएसन ‘कोस्टाब्लान्का’ अध्यक्ष अक्कल बोहोराले चेतावनी दिए ।
