आज बालुवाटार अगाडी भएको प्रदर्शनमा प्रहरीले गरेको हस्तक्षेपमा फोटो पत्रकार क्लबले आपत्ति जनाएको छ ।
क्लबका प्रवक्ता दिपेश श्रेष्ठले एक विज्ञप्ती जारी गर्दै आजको प्रदर्शनमा पानीका फोहरासहित अन्धाधुन्द लाठीचार्ज गर्दा ५ जना फोटोपत्रकारहरु घाइते भएको जनाएको छ ।
फोटोपत्रकारहरु नरेन्द्र श्रेष्ठ (ईपिए), नरेश श्रेष्ठ (द हिमालयन टाइम्स), केशव थापा (कान्तिपुर), अंगद ढकाल (कान्तिपुर), प्रविण कोइराला (नेपालखबर) घाइते भएका छन् । थापा, ढकाल र कोइराला घाइते हुनुका साथै उनीहरुको क्यामरामासमेत क्षति पुगेको बताइएको छ ।
संघीय लोकतान्त्रिक गणतान्त्रिक शासन व्यवस्थामा शान्तिपूर्ण विरोध गर्न पाउनु नागरिकको नैसर्गिक अधिकार रहेको स्मरण गराउँदै चौथो अंगको रुपमा मानिएको संचार क्षेत्रलाई स्वतन्त्र भएर सूचना सम्प्रेषणको सहज वातावरण बनाउन र संचारकर्मी माथि हस्तक्षेप नगर्न सुरक्षा निकायसहित नेपाल सरकारलाई फोटोपत्रकार क्लब, नेपालले आग्रह गरेको छ ।
र यो पनि
बालुवाटारमा प्रहरीको लाठी, लात्ती र पानीको फोहोरा हेर्नुहोस् तस्विरमा
