नेपाल कोरोना भाइरसबाट थप १० जनाको ज्यान गएसँगै कोरोनाबाट ज्यान गुमाउनेको संख्या २ हजार ११ पुगेको छ ।
स्वास्थ्य तथा जनसंख्या मन्त्रालयले सोमबार सार्वजनिक गरेको तथ्यांकअनुसार देशभर ४ हजार ८५८ जनाको नमूना परिक्षण गर्दा ३३९ जनामा भाइरसको संक्रमण पुष्टि भएको हो ।
आज भेटिएका संक्रमितमध्ये पुरुषको संख्या २०६ र महिलाको संख्या १३३ रहेको छ ।
योसहित कूल संक्रमितको संख्या २ लाख ६९ हजार ७८९ पुगेको छ जसम्धये २ लाख ६४ हजार ५३८ जना भाइरसमुक्त भएका छन् । पछिल्लो २४ घन्टामा ४०१ जना भाइरसमुक्त भएका हुन् ।
अहिले सक्रिय संक्रमितको संख्या ३ हजार २४० र १३२ जना क्वारेन्टीनमा रहेको मन्त्रालयले सार्वजनिक गरेको तथ्यांकमा उल्लेख छ ।
आज काठमाडौं उपत्यकामा ९५ पुरुष र ५९ महिला गरी १५४ जनामा भाइरसको संक्रमण पुष्टि भएको छ ।