नेपाली सेनाको हेलिकोप्टरमार्फत दार्चुलाबाट सुत्केरीको उद्धार

फाइल तस्विर

नेपाली सेनाको हेलिकोप्टरमार्फत दार्चुलाबाट एक सुत्केरीको उद्धार गरिएको छ ।

अत्यधिक रक्तश्राव नरोकिएपछि व्यास गाउँपालिका–५ का २८ वर्षीया शोभा विष्टको उद्धार गरिएको हो ।

जिल्ला अस्पतालमा शल्यक्रिया गरेर बच्चा जन्मिए पनि रक्तश्राव नरोकिएपछि थप उपचारका लागि ती महिलालाई हवाई उद्धार गरिएको प्रमुख जिल्ला अधिकारी शरदकुमार पोखरेलले बताए ।

उनलाई उपचारका लागि सुर्खेत अस्पताल लगिएको छ । राष्ट्रपति महिला उत्थान कार्यक्रमअन्तर्गत सुत्केरीको उद्धार गरिएको हो । कार्यक्रमअन्तर्गत यसअघि पनि जिल्लाबाट सुत्केरीको उद्धार गरेर जीवनरक्षा गरिएको थियो ।

राष्ट्रपति महिला उत्थान कार्यक्रम अन्तरगत आ.व. २०७५/७६ देखि दुर्गम हिमाली तथा पहाडी क्षेत्रमा गर्भवती तथा सुत्केरी हुने अवस्थामा स्वास्थ्य समस्या सिर्जना भई ज्यान जोखिममा परेका महिलालाई हवाई उद्धार गरी तोकिएको अस्पतालमा पुर्‍याई गुणस्तरयुक्त स्वास्थ्य सेवा प्रदान गर्ने प्रयोजनका लागि दुर्गम क्षेत्रका ज्यान जोखिममा परेका गर्भवती तथा सुत्केरी महिलाहरूको लागि निःशुल्क हवाई उद्धार सेवा कार्यक्रम सञ्चालन गरिएको छ ।

हवाई सेवा उद्धार कार्यक्रम सञ्चालन हुने जिल्ला र स्थानहरू:

पूर्ण रूपमा लागू भएको १८ जिल्लाहरू:

ताप्लेजुङ, संखुवासभा, भोजपुर, खोटाङ, सोलुखुम्बु, ओखलढुंगा, मनाङ, मुस्ताङ, रुकुमपूर्व, रुकुम पश्चिम,जाजरकोट, डोल्पा, कालिकोट, मुगु, हुम्ला, बाजुरा, अछाम र दार्चुला ।

आंशिक रूपमा लागू भएका २९ जिल्लाहरू:

पाँचथरः (फिदिम नगरपलिका बाहेकका सबै स्थानीय तह)

इलामः (माईजोगमाई गा.पा., सन्दकपुर गा.पा.)

तेह्रथुमः (म्याङलुङ र लालीगुराँस नगरपालिका बाहेकका सवै स्थानीय तह)

धनकुटाः (चौविसे गा.पा. )

उदयपुर : (ताप्ली गा.पा. )

दोलखाः (भिमेश्वर र जिरी नगरपालिका बाहेकका सबै स्थानीय तह)

रामेछापः (उमाकुण्ड गा.पा.)

सिन्धुली : (घ्याङलेख गा.पा.)

काभ्रेपलान्चोकः (महाभारत गा.पा.,चौंरीदेउराली गा.पा.)

सिन्धुपाल्चोकः(पाँचपोखरी थामपाल गा.पा., हेलम्बु गा.पा., जुगल गा.पा.),

रसुवाः कालिका गा.पा र उत्तरगया गा.पा. बाहेकका सबै स्थानीय तह