नेपाल कम्युनिष्ट पार्टी (नेकपा) को प्रचण्ड–नेपाल समूहका अध्यक्ष पुष्पकमल दाहाल प्रचण्डले आफु कडा भएमा प्रधानमन्त्री केपी शर्मा ओलीलाई सिद्ध्यिाइदिने बताएका छन् ।
मंगलबार प्रचण्ड–नेपाल समूहनिकट प्रेस संगठन नेपालको दोस्रो पूर्ण बैठकलाई सम्बोधन गर्दै अध्यक्ष प्रचण्डले यस्तो भनेका हुन् ।
सम्बोधन गर्दागर्दै प्रचण्डले भने, ‘ ओलीजी म कठोर हुनुपर्यो भने तपाईंलाई भित्तामा पुर्याउन पनि सक्छु। र, अहिले तयार पनि भएको छु । अब तपाईं सिद्धिनुभयो,’उनले भने,‘अब तपाईंको हातमा केही छैन । र, तपाईंको समय पनि धेरै छैन । ’
अध्यक्ष प्रचण्डले प्रधानमन्त्री ओलीले भारतसँग मिलेर प्रतिनिधिसभा विघटन गरेको आरोप लगाए ।
‘हिजो जसकाविरुद्ध राष्ट्रवाद देखाउनुभएको थियो, आज त्यहीसँग मिलेर प्रतिगमन गर्नुभयो,’ प्रचण्डले भने,‘उहाँको राष्ट्रवाद खोक्रो साबित भइसक्यो ।’
अस्तव्यस्त जनजीवन, उपलब्धिविहिन शक्ति प्रदर्शन, आखिर कसले के पाए ?
पुष्पकमल दाहाल र माधवकुमार नेपालले नेतृत्व गरेको समूहले शुक्रबार राजधानी काठमाडौंमा शक्ति प्रदर्शन गर्यो । लाखौं कार्यकर्ता सडकमा उतार्ने दाबी गरेको समूहले राजधानी वरिपरिका जिल्लाबाट मानिसहरू ओसार्यो । काठमाडौंमा बेराजगार कार्यकर्ता छँदै थिए । गाउँबाट सोझा नागरिकलाई पनि राजधानी टेकाइयो । प्रदर्शनकारीको संख्या लाख पुग्यो कि पुगेन ? उनीहरूले नै हिसाब गरुन् । यो आम सरोकारको विषयमा पनि होइन ।
दिनभरिको दौडधुपले आखिर के प्राप्त गर्यो ? के ओलीले प्रतिगमन सच्याए ? के आयोगले आधिकारिकता दियो ? के अदालतले फैसला सुनायो ? अह ! केही पनि भएन । दिनभर शक्ति देखाएका कार्यकर्ता साँझ भोकले शक्तिहिन भएर फर्किए ।
प्रदर्शनका कारण आम मानिसहरूको दैनिकी भने अस्तव्यस्त बन्यो । बिहानैदेखि राजधानीका विभिन्न रुटमा सार्वजनिक सवारी निषेध गरियो । गन्तव्यमा हिँडेका हजारौं यात्रु ठाउँका ठाउँ अलपत्र परे । सडकमा दाहाल–नेपाल समूहका कार्यकर्ताले ताण्डव देखाए । सडकलाई रंगमन्च बनाए । प्रतिगमनविरुद्ध पैदल हिँडे । सडकलाई पदमार्ग बनाए ।
र यो पनि पढ्नुहोस् :
अस्तव्यस्त जनजीवन, उपलब्धिविहिन शक्ति प्रदर्शन, आखिर कसले के पाए ?
