धनराज गुरुङ नेपाली काङ्ग्रेसका केन्द्रीय सदस्य हुन् । २०३६ सालबाट राजनीतिमा प्रवेश गरेका ४२ वर्षीय गुरुङ २०५३ मा नेपाल विद्यार्थी संघका केन्द्रीय सभापति, २०५४ सालमा तरुण दलका महासचिव र काङ्ग्रेस स्याङजा जिल्ला कार्यसमिति सदस्य भइसकेका छन् ।
राजनैतिक संघर्षका क्रममा विभिन्न समयमा पक्राउ र हिरासत भोग्दै आएका गुरुङ युवाहरूलाई प्रजातान्त्रिक उद्देश्यका लागि गोलवद्ध गर्ने कुरामा विशेष रुचि राख्छन् ।
सैद्धान्तिक स्पष्टता, लगनशीलता र जुझारूपनले आफूलाई संविधानसभामा पुर्याएको उनको तर्क छ ।
फुटको संघारमा पुगेको नेकपाले मध्यावधि चुनावको बल्छीको आहारामा कोही पनि भुल्न नहुने उनले बताउँदै आएका छन् ।
‘संविधान विपरीत प्रधानमन्त्री ओली र राष्ट्रपति भण्डारीले चलाएको मध्यावधि चुनावको बल्छीको आहारामा कोही नेपालीलाई नलोभिन आग्रह गर्ने गुरुङले बल्छीको आहारामा लोभिएर असंवैधानिक कदम चाल्नेकोपछि लाग्दा लोकतन्त्र नै गुम्ने अवस्था आउन सक्ने बताउँछन् ।
सैद्धान्तिक स्पष्टता, लगनशीलता र जुझारूपन भएका गुरुङले बुधबार केटीएम दैनिकको कार्यलय अनामनगरमा आएर कांग्रेस फुटको संघारमा नरहेको स्पष्ट पारेका छन् । कांग्रेसको अबको बाटो, गुटबन्दी र बैशाखमा हुने भनिएको निर्वाचनको बारेमा धनराज गुरुङले केटिएम दैनिकसँग गरेको कुराकानीको सार :
प्रधानमन्त्रीले संसद विघटन गर्नु भयो नि ?
संसद विघटनको विशेषाधिकार प्रधानमन्त्रीमा छैन । सरकार ढल्ने र ढाल्ने खेल धेरै भएकोले हामी सबै बसेर नै ‘संसदमा बैकल्पिक सरोकार हुने अवस्था रहुञ्जेल संसद विघटन गर्न नपाउने’ भनेर प्रस्ट प्रावधान राखेका छौं । जस्मा प्रधानमन्त्रीले संसद विघटन गर्न नपाउने भनेर उल्लेख गरेको छ ।
यस्तो अवस्था हुदाँ हुदैँ प्रधानमन्त्रीले संसद विघटनको प्रस्ताव ल्याउनु र महामहिम राष्ट्रपतिले सोच्दै नसोची विघटन गर्नु गलत हो । यो असंवैधानिक कदम र लोकतन्त्र विरुद्धको षड्यन्त्र हो । हामी यस्को विरोधमा नै छौं ।
संविधानसभा विघटन भएको एक महिना भन्दा बढी भइसक्दा पनि प्रतिपक्ष कांग्रेस किन चुप लागेर बस्यो ?
हामी चुप लागेर बसेका छैनौं । हामीले ७७ जिल्ला, १ सय ६५ संघीय निर्वाचन क्षेत्र, ३ सय ३० प्रदेश निर्वाचन क्षेत्र र ४ सय ५३ स्थानीय तहहरुमा विरोधका कार्यक्रम गर्दैछौं । त्यस्का साथै केन्द्र केन्द्रित, राजधानी केन्द्रित, ७ प्रदेश केन्द्रित आन्दोलनहरु गरिरहेका छौं । आन्दोलन कुनै जादुको छडी त हैन । एकैपटक गर्दा छुमन्तर हुने हुदैन । हामी निरन्तर खबरदारी गरिरहेका छौं ।
नेकपा सँगसँगै कांग्रेस पनि फुटको बाटोमा गएकै हो त ?
नेकपा फुट्यो भन्दा पनि फुटको संघारमा छ भन्न म रुचाउँछु । नेकपा फुटको बाटोमा गयो भन्दैमा कांग्रेस पनि जानै पर्छ भन्ने छैन । नेकपा फुटको विषयमा केन्द्रिय समितिमा धेरै छलफलहरु भयो र जारी नै छ ।
पौडेल पक्ष माधव नेपाल र पुष्पकमल दाहालको पक्षमा, र सभापति शेरबहादुर देउवा ओलीको पक्षमा लागेको कुरा स्पष्ट देखिएको छ नि ?
कुनै पनि घटना घटे पछि आफ्नो आफ्नो दृष्टिकोण फरक हुन सक्छ । केन्द्रिय समितिले पारित गरिसकेपछि आफ्नो भिन्न मत त्यागेर यो असंवैधानिक कदमको बिरुद्धमा लाग्नै पर्छ । यस्तो बेलामा म यस्लाई समर्थन गर्छु उस्लाई समर्थन गर्छु भन्ने हुदैन । यो सभापति वा वरिष्ट नेताको निर्णय हैन त्यसैले पनि सबैले पार्टीको आदेश मान्नु पर्छ ।
बाँकी कुराकानी भिडियोमा हेर्नुहोस :