प्रधानमन्त्री केपी शर्मा ओलीले पत्रकारहरुलाई ‘तिमी’ नभई ‘तपाई’ लेख्न सुझाएका छन् ।
प्रेस संगठन नेपालको ओलीपक्षीय भेला काठमाडौंको सभागृहलाई सम्बोधन गर्दै प्रधानमन्त्री ओलीले अंग्रेजीमा ‘यू’ भन्दा बच्चादेखि बृद्धसम्मलाई पुग्ने गरेपनि नेपालमा भने त्यस्तो लेख्न अस्वोभनीय भएको उल्लेख गरे ।
नेपालको आफ्नै मूल्य र मान्यता भएकाले पश्चिमालाई पच्छ्याएर मिडियाकर्मीहरुले सबैलाई ‘तिमी’ भन्न वा लेख्न नमिल्ने बताए ।
राजा महाराजहरुको पालाको बोली चालीलाई स्मरण गर्दै प्रधानमन्त्री ओलीले अहिले गणतन्त्र आयो भन्दैमा राष्ट्रपति, प्रधानमन्त्री जो कोहीलाई पनि ‘तिमी’ भन्न नमिल्ने उल्लेख गरे ।
उनले पत्रकारहरुलाई स्वार्थका लागि कलम नचलाउन आग्रह गरे ।
कसैसँग रिस उठ्यो भन्दैमा उसका विरुद्ध अनावश्यक कुरा नलेख्न उनले सुझाए । त्यस्तै जनताको बोली, लोकतन्त्र, लोकतान्त्रिक प्रणालीको पक्षमा पत्रकारहरुलाई उभिन उनले आग्रह गरे ।