बलिउडमा नायक–नायिकाको प्रेम चर्चा सधै नै हुन्छ । मिडियामा कलाकारको नाम नजोडिएको दिन नै हुँदैन । यतिबेला, बलिउडमा दुई कलाकारको प्रेम चर्चा चलिरहेको छ । नायक सिद्धार्थ मल्होत्रा र नायिका कियरा आडवाणीको प्रेम चर्चा केही समयदेखि बलिउडमा चलिरहेको छ । अब, यसले मिडियामा पनि स्थान पाउन थालेको छ ।
आज बलिउड अभिनेता सिद्धार्थ मल्होत्राको जन्मदिन हो । उनले सिद्धार्थलाई कुन तरिकाले सम्बोधन गरेर जन्मदिनको शुभकामना दिन्छिन् या दिन्नन भनेर उनीहरुका फ्यानहरुले नियालिरहेका थिए । कायराले इन्टा स्टोरीमा जन्मदिनको शुभकामना दिएपछि उनीहरुका फ्यानहरुमा खुशियाली छाएको छ ।
उनले ह्याप्पी बर्डडे व्वाई भन्ने सम्बोधनसहित शुभकामना दिएकी छिन् ।
त्यस्तै केहि समय अगाडी उनीहरु मुम्बइको विमानस्थलमा देखिएका थिए । दुबै जना नयाँ बर्ष मनाएर भारत फर्किएका थिए । उनीहरु, एकसाथ नयाँ बर्ष मनाउन पुगेका थिए वा अलग, खुलेको छैन । तर, उनीहरुले मुम्बइको विमानस्थलमा क्यामेरादेखि एक अर्कालाई इग्नोर गरेका थिए ।
कियरा आडवाणी विमानस्थलबाट बाहिर निस्किएको केही समयमै सिद्धार्थ पनि बाहिरिएका थिए । यी दुई कलाकारले एकसाथ चलचित्र ‘शेरशाह’मा काम गर्दैछन् ।