नेपाली चलचित्र क्षेत्रकी चर्चित अभिनेत्री गौरी मल्लको आज जन्मदिन परेको छ । आज माघ ३ गते परेको जन्मदिनमा उनलाई विहानैदेखी शुभकामनाको ओइरो लागेको छ । जन्मदिनमा उनकी छोरीले पनि सामाजिक सञ्जाल फेसबुकबाट शुभकामना दिएकी छिन् ।
अभिनेत्री मल्लले आफ्नी छोरीले जन्मदिनको शुभकामना दिदा यो बर्षको पहिलो केक भन्दै धन्यवाद दिएकी छिन् । चलचित्र सन्तान बाट नेपाली चलचित्र क्षेत्रमा प्रबेश गरेकी गौरी मल्लले बसन्ती, मामाघर, खानदान, सिंहदरबार लगायत चलचित्रमा अभिनय गरेकी छिन् । उनले सन् २००३ मा पहिलोपटक भएको लक्स फिल्म अवार्डमा उत्कृष्ट सहायक अभिनेत्रीूको पुरस्कार पनि पाएकी थिइन् ।
दर्जनौ भन्दा बढि चलचित्रमा अभिनय गरेकी उनले हिन्दी चलचित्र ‘इस्किया’ मा माधुरी दीक्षितसँग पनि अभिनय गरिसकेकी छिन् । चलचित्र सन्तान बाट पाइला टेकेकी गौरी मल्ललाई छोरीले जन्मदिनको शुभकामना दिदा उनले यो बर्षको पहिलो केक भन्दै धन्यवाद दिएकी छिन् ।