नेपाली कांग्रेसका नेता चन्द्र भण्डारीले नक्सा जारी गरेकै कारण पुष्पकमल दाहाल, प्रचण्ड र माधवकुमार नेपालहरु प्रधानमन्त्री केपी शर्मा ओलीबिरुद्ध लागेको ठोकुवा गरेका छन् ।
एक टेलिभिजनसँगको अन्तर्वार्तामा नेता भण्डारीले प्रचण्ड नेपाल समूहमाथि उक्त आरोप लगाएका हुन् ।
अन्तर्वार्ताका क्रममा नेता भण्डारीले जे गर्दा पनि नक्सा जारी भई संसदबाट पारित भएपछि भारतको इच्छामा प्रचण्ड र माधव नेपाल प्रधानमन्त्री ओलीलाई हटाउन लागेको आफ्नो निश्कर्ष भएको बताए । उनका अनुसार भारतले हडपिरहेको नेपाली भूमि कालापानी, लिपुलेक र लिम्पियाधुरासहितको नक्सा जारी गरेकै कारण प्रचण्ड र माधव जसरी पनि ओली हटाउनै पर्ने बाध्यतामा पुगेको छ ।
दोस्रो पटक मृगौला प्रत्यारोपन गरेपछि आफ्नो स्वास्थ्यमा उल्लेख्य सुधार आएसँगै प्रधानमन्त्री ओलीले कालापानी, लिपुलेक र लिम्पियाधुरासहित नेपालको भूमि समेटेर नक्सा प्रकाशन गर्ने योजना सुनाएपछि प्रचण्ड र माधवले समुह नै बनाएर ओलीबिरुद्ध लागेको उनको बुझाई छ ।
