नेपालमा कोरोना भाइरसका थप ४ सय ४५ जना संक्रमित भेटिएका छन् ।
स्वास्थ्य तथा जनसंख्या मन्त्रालयले आज सार्वजनिक गरेको तथ्यांकअनुसार ४ हजार १५४ जनाको नमूना परिक्षण गर्दा २६१ पुरुष र १८४ महिला गरी कूल ४४५ जनामा भाइरसको संक्रमण पाइएको बताएको छ ।
योसंगै कुल संक्रमितको सख्या २ लाख ६६ हजार १४३ पुगेको छ । कूल संक्रमितमध्ये ९७ दशमलव ६ प्रतिशत अर्थात २ लाख ५९ हजार ७७२ जना भाइरसमुक्त भएका छन् । आज ४१४ जना भाइरसमुक्त भएका हुन् ।
थप ५ जनाको निधन भएसँगै कोरोनाबाट ज्यान गुमाउनेको संख्या १ हजार ९३७ पुगेको छ ।
मन्त्रालयका अनुसार अहिलेसम्म १९ लाख ९७ हजार ९ जनाको नमूना परिक्षण गरिएको छ भने अहिले सक्रिय संक्रमितको संख्या ४ हजार ४३४ मा झरेको छ । गम्भिर अवस्थाका १४४ जनालाई आईसीयू र ३५ जनालाई भेन्टिलेटरमा राखेर उपचार भैरहेको जनाइएको छ ।
आज भेटिएका संक्रमितमध्ये काठमाडौं उपत्यकामा तीन जिल्लामा १३६ पुरुष र ११० महिलासहित कूल २४६ जनामा भाइरसको संक्रमण पुष्टि भएको छ ।