भारतीय संस्थापन निकट मानिएको टेलिभिजन जी न्यूजका प्रधानसम्पादकले नेपालका प्रधानमन्त्री ओलीसँग अन्तरवार्ता लिएका छन् ।
प्रधानमन्त्रीको अन्तर्वार्ता लिन जी न्यूजका प्रधान सम्पादक सुधीर चौधरीसहितको टोली अहिले काठमाडौंमा छ । प्रधानमन्त्री निवास बालुवाटारमै पुगेर चौधरीले अन्तर्वार्ता लिएका छन् ।
प्रतिनिधिसभा विघटनपछि पहिलोपटक प्रधानमन्त्री केपी शर्मा ओलीले विदेशी मिडियालाई अन्तर्वार्ता दिएका हुन् ।
‘छिमेकी नीतिलाई लिएर अहिले नेपाली प्रधानमन्त्रीको दिमागमा के चलिरहेको छ ? भनेर जान्नु महत्वपूर्ण हुनेछ’ सुधीरले सामाजिक संजालमा लेखेका छन्, ‘नेपाल किन भारतसँग ठूल्दाइको जस्तो व्यवहार गर्न चाहँदैन भन्ने विषयमा निकै महत्वपूर्ण कुराकानी भयो ।’ कालापानी र लिम्पियाधुरालाई समेटेर नेपालले चुच्चे नक्सा सार्वजनिक गरेपछि भारतीय संस्थापन निकटको जी न्यूज नेपाली प्रधानमन्त्रीविरुद्ध खनिएको थियो ।
It’s important to know what’s going on in your neighbour’s mind. Had a good conversation with the Prime Minister of Nepal KP Sharma Oli on why Nepal doesn’t want to treat India as big brother anymore. pic.twitter.com/TAykoHgJKr
— Sudhir Chaudhary (@sudhirchaudhary) January 11, 2021
उक्त अन्तरवार्तामा भारत र चीन विवादमा नेपालमा कस्को साथमा छ भनेर प्रश्न गरिएको बताइएको छ । उक्त अन्तरवार्ता आज बेलुका भारतीय समयअनुसार ९ बजे प्रशारण हुनेछ ।