नेकपामा देखिएको विभाजनले गर्दा उक्त पार्टी सम्वद्ध व्यक्तिहरुको कित्ता छुट्टिएको छ ।
पार्टीमा केपी शर्मा ओली पक्षधर र प्रचण्ड माधव नेपाल समूहहरुले आ आफ्नो गुटको बैठक र भेला गरिरहेको बेला नेपालको सुदूरपूर्वी झापाको मेचीनगरबाट भने पार्टीलाई एकढिक्का बनाउने अभियानको सुरुवात भएको छ ।
झापा जिल्ला क्षेत्र नम्बर १ को कमिटीले पार्टीलाई एक ढिक्का बनाउनको लागि अभियान चलाउने भएको हो ।
आज एक विज्ञप्ती जारी गर्दै उक्त क्षेत्रमा रहेका नेकपाका नेताहरुले पार्टी विभाजनको पक्षमा नलागी एकताको लागि दवाव सृजना गर्ने अभियानको सुरुवात गरेको जनाएका छन् ।
केही नेताहरुको व्यक्तिगत स्वार्थ र महत्वकांक्षाका कारण आज पार्टी विभाजनको डिलमा पुगेको छ । यो अवस्थामा आफ्नो पार्टी र नेतृत्वको विरुद्ध हुने कुनैपनि गतिविधमा सहभागी नहुन उनीहरुले आग्रह गरेका हुन् ।
विज्ञप्तीमा भनिएको छ “यस्तो गतिविधिमा लाग्नु भनेको दशकौं देखि आमुल परिवर्तनको सपना सजाएर बसेका आम नेपाली जनतालाई धोका दिनु हो ।”
यो अभियानलाई केन्द्रिय कमिटी र जिल्ला कमिटीले पनि साथ दिन नेकपा मेचीनगरका अध्यक्ष माधव अर्यालले आग्रह गरेका छन् ।
हेर्नुहोस् विज्ञप्ती