दाङको घोराही स्थित नयाँ बसपार्कमा विभिन्न सेवा सहित अम्बिकेश्वरी डेन्टल केयर सेन्टर एण्ड फार्मेसी सञ्चालनमा आएको छ ।
घोराही उपमहानगरपालिका मेयर नरुलाल चौधरीले एक कार्यक्रमकाबीच सेन्टर एण्ड फार्मेसीको उद्घाटन गरेका छन् । सेन्टरमा दाँत सम्बन्धी सम्पूर्ण उपचार गरिने छ । त्यहाँ दाँतको तार बाँढ्ने, सफा गर्ने, स्केलिङ गर्ने, दाँत भर्ने लगायतका सम्पूर्ण समस्याको उपचार गरिन्छ ।
सेन्टरमा रगत, दिशा, पिसाब तथा सम्पूर्ण ल्याब परिक्षण गरिने सञ्चालक पाण्डव शर्माले जानकारी दिए । ‘हामीले केही समयभित्र दाँत बाँहेक अन्य रोगका पनि विशेषज्ञ डाक्टर सहितको उपचार सेवा सञ्चालन गर्ने तयारी गरेका छौं,’ उनले भने, ‘एक्सरे सेवा पनि सञ्चालनमा ल्याउँदै छौं ।’
उद्घाटनको अवसरमा एक महिनाका लागि पूर्णरुपमा निशुल्क सुगर परिक्षको व्यवस्था गरिएको सञ्चालक शर्माले बताए ।
एउटै छानामुनि विभिन्न सेवा सहित संचालनमा आएको सेन्टरले होटल साइनोलाई पनि सुचारु गरेको छ। ‘लकडाउनका कारण लामो समय सम्म बन्द रहेको होटल भएकै घरमा फार्मेसी सहितको डेन्टल सेवा संचालन हुनेभएपछि हामीले नै यस होटललाई संचालनमा ल्याएका छौं’, संचालक शर्माले भने, ‘टाढाबाट आउने विरामीलाई मध्यनजर गर्दै हामीले होटेल पनि सुचारु गर्ने योजना बनाएका हौँ।
होटलमा खाना बाहेक अन्य सबै सुविधाहरु प्रदान गरिएको छ। सामान्य देखि एसी कोठा रहेको उक्त होटलमा तातो चिसो पानीको समेत व्यवस्था गरिएको छ।