पूर्वमन्त्री एवं नेकपाका केन्द्रीय सदस्य गोकुलप्रसाद बाँस्कोटाले प्रतिनिधिसभा विघटन असंवैधानिक भनेका चारजना पूर्वप्रधानन्यायाधीशहरुलाई चुनाव लडेर राजनीति गर्न चुनौती दिएका छन् ।
ओली पक्षीय नेकपा काभ्रे जिल्ला कमिटीको अगुवा कार्यकर्ता भेलालाई शनिवार बनेपामा सम्बोधनका क्रममा नेता बास्कोटाले अदालतामा विचाराधीनमा मुद्दामा पूर्व प्रधानन्यायाधीशहरुले सडकबाट फैसला सुनाएको भन्दै आक्रोश व्यक्त गरे।
‘केही भूतपूर्वहरुको एउटा वक्तव्य आएको छ, यो यो हुनुपर्ने श्रीमानहरु त्यो वक्तव्य जारी गर्नुभन्दा माधव–प्रचण्डले नेतृत्व गरेको टुटफुटकारी, राष्ट्रविराधी, विकासविरोधी, न्यायविरोधी, स्थिरताविरोधी पार्टीको सदस्य बनेर चुनाप लड्न आउनुहोस्, त्यस्तो वक्तव्य जारी नगर्नुहोस्,’ उनले भने,‘हिजो न्यायालयमा विचाराधीन मुद्दामाथि बोल्न पाइदैन भन्ने तपाईंहरु आज राजनीति गर्नुहुन्छ? आउनुहोस् न राजनीति गर्ने भए, स्वतन्त्रता छ चुनावमा जाने, भूतपूर्वहरुले होइन फैसला गर्ने वर्तमानले गर्ने हो।’
यसअघि हिजो शुक्रबार सर्वोच्च अदालतका चार जना पूर्वन्यायाधीशहरु मीनबहादुर रायामाझी, अनूपराज शर्मा, कल्याण श्रेष्ठ र सुशीला कार्कीले प्रतिनिधि सभा विघटन असंवैधानिक भएको निष्कर्षसहितको संयुक्त विज्ञप्ति जारी गरेका थिए।
सम्वन्धित समाचार
पूर्वप्रधानन्यायाधीशहरुको वक्तव्यले संविधानको बर्खिलाप गर्यो : सूर्य थापा
संबिधानबिरुद्ध आएको चार पूर्वप्रधानन्यायाधीशको विज्ञप्तिमा २३ गल्ति भेटियो