चितवनको भरतपुरमा जन्मिएर काठमाडौं बस्दै आएकी अस्मिता अधिकारी स्वीजरल्याण्डको आईग्लोन कलेजमा अध्ययनका लागि छनोटमा परेकी छन् ।
आफूलाई छनोटमा पर्छु भन्ने सोच्दै नसोचेको उनलाई त्यो सफलता प्राप्त भएपछि अहिले आफूलाई असाध्यै खुसी महसुस भएको एक युट्युव च्यानलसँग गरेको कुराकानी ऊनी बताउँछिन् ।
उनले स्विट्जरल्यान्डको आइग्लोन कलेजमा चार वर्षका लागि निःशुल्क छात्रवृत्तिमा पढ्ने अवसर पाएकी हुन् । जोन कर्टेलले १९४९ मा स्थापना गरेको उक्त कलेज संसारकै विशिष्ट कलेजमध्येमा गनिन्छ । भारतीय अभिनेता अमिताभ बच्चनका छोरा अभिषेक बच्चनले समेत त्यहीं पढेका थिए । नेपालबाट व्यापारी उपेन्द्र महतोकी छोरीले मात्रै त्यहाँ पढ्ने अवसर पाएकी छन् । अब अस्मिता पनि त्यही कलेजमा जाँदैछिन् जहाँ वार्षिक एक करोडभन्दा बढी शुल्क लाग्छ ।
१५ वर्षीय अधिकारीले आफूमा काँधमा देशप्रति माया र उत्तरदायित्व थपिएको बताउँछिन् । काठमाडौंस्थित समता कलेजबाट उच्च शिक्षा अध्ययनका लागि ऊनी छनोटमा परेकी हुन् । सानो उमेरमा शैक्षिक सफलता हात परेपछि ऊनी अहिले उत्साहित मात्रै छैनन् जिम्मेवारी पनि थपिएको बताउँछिन् । अस्मिता भन्छिन्,–‘‘मलाई अहिले यो अवसर मात्रै होइन जिम्मेवारी पनि हो ।’ अब मैले देशको लागि पनि केही गर्नुपर्छ, स्कुलको लागि पनि केहि गर्नुपर्छ ।’
हरेक मानिसको आफ्नो सफलतामा पुग्न कठिन हुन्छ, धेरै चुनौती सामना गर्नुपर्छ । धेरैले बोक्ने सपनाको सहर स्वीजरल्याण्ड पुग्न धेरै संघर्ष गर्नुपर्छ । आर्थिक रूपले सम्पन्न परिवारका लागि सहजै सपना साकार गर्न सकिएला तर, निम्न आर्थिक अवस्थाका विद्यार्थीका लागि अवसरसंगै चुनौती थपिएको हुन्छ ।
समतामा सय रुपैयाँ शुल्कमा पढेकी उनले वार्षिक एक करोड शुल्क लाग्ने कलेजसम्मको यात्रा तय गरेकी छन् ।
थप हेर्नुहोस तलको भिडियोबाट
