पुर्व मिस नेपाल अनुष्का श्रेष्ठ व्यवसायी बनेकी छिन् । उनले २५ लाखको लगानीमा आकर्षक प्याकेजिङ र विभिन्न स्वादका ब्रान्डेड मिठाइका परिकारहरुको व्यवसाय शुरु गरेकी हुन् ।
नौ महिनाअघि स्थापित माक्कुसे ‘लक्जरी’ मिठाइ ब्रान्ड उनको आइडियामा शुरु भएको ब्रान्ड हो ।
मिस वल्ड भएर नेपाललाई विश्वसामु चिनाउने सपना अधुरो रहेपनि मौलिक मिठाइको माध्यमबाट चिनाउने कुरामा उनी विश्वस्त छिन् ।
मिस नेपालमा सहभागी हुनुपहिले उनी अस्ट्रेलियाको एउटा बैंकमा काम गर्थिन्। पछि नेपालमै काम गर्ने सोचले फर्किएको उनको भनाइ छ।