नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ र माधव कुमार नेपाल पक्षका नेतृ बिना मगरले प्रधानमन्त्री केपी ओलीले ‘कपिल शर्मा शो’लाई फ्लप गरेको बताएकी छिन् ।
कञ्चनपुरको बेलौरी उद्योग वाणिज्य संघको सभाहलमा आयोजित एक कार्यक्रमलाई सम्वोधन गर्दै उनले यस्तो बताएकी हुन् ।
हास्यव्यङ्ग्य तर्क दिदै सोसल मिडियामा भाइरल भइरहेका प्रधानमन्त्री ओलीले ‘कपिल शर्मा शो’ लाई समेत यतिबेला फ्लप गरिसकेको उनको ठहर छ ।
नेपाल कम्युनिस्ट पार्टी बेलौरी नगर कमिटीद्वारा आयोजित नगर कमिटी भेलालाई सम्बोधन गर्दै पूर्वमन्त्री मगरले प्रधानमन्त्रीले नागरिकका लागि भन्दा पनि पदकै लागि प्रतिनिधि सभा विघटन गराएको बताएकी छन् । ‘प्रधानमन्त्रीलाई देश र नागरिकको चिन्ता छैन । देशको विकासको बारेमा उहाँलाई कत्ति पनि चिन्ता रहेनछ । मात्र उहाँलाई पदको चिन्ता रहेछ ।’
भेलालाई सम्बोधन गर्दै उनले भनिन्, ‘नागरिकमाथि कुठाराघात गर्दै प्रधानमन्त्रीले असंवैधानिक तरिकाले प्रतिनिधि सभा विघटन गराउनुभयो । यस्तो तानाशाही प्रवृत्तिलाई नागरिकले चाँडै परास्त गर्नेछन् । प्रधानमन्त्री र उहाँका आसेपासेहरूको भविष्य अब धेरै लामो समय छैन ।’
पूर्व खानेपानी मन्त्री समेत रहेकी मगरले प्रधानमन्त्री ओलीको तानशाही प्रवृत्तिलाई जनताले चाँडै परास्त गर्ने समेत बताइन्। प्रधानमन्त्री ओली र उनका नजिकका मानिसहरुको भविष्य अबै धेरै समय नरहेको उनको दाबी छ। ‘ओलीले जनतामाथि कुठाराघात गर्दै असंवैधानिक तवरबाट संसद विघटन गराउनुभयो। यस्तो तानाशाही प्रवृत्तिलाई जनताले चाँडै परास्त गर्नेछन्,’ उनले भनिन्,‘प्रधानमन्त्री र उहाँका आसेपासेहरुको भविष्य अब धेरै लामो समय छैन।’
