राप्रपाका नेता राजेन्द्र लिङदेनले नेपाली राजनीतिमा नयाँ सम्झौताका लागि आह्वान गरेका छन्।
लिङदेन राष्ट्रप्रमुखका रुपमा राजा राख्ने प्रस्ताव अघि सारेका छन्।
शुक्रबार राप्रपाले गरेको प्रदर्शनमा बोल्दै उनले अब प्रत्यक्ष निर्वाचित कार्यकारी प्रधानमन्त्रीको व्यवस्था हुनुपर्ने बताए।
संसद पूर्ण समानुपातिक, सांसदले मन्त्री हुन नपाउने व्यवस्था लागू गर्न पनि उनले माग गरेका छन्।
त्यससंगै प्रदेशको खारेजी तथा केन्द्र र स्थानीय तहलाई बलियो बनाउनु पर्ने लिङदेनको धारणा छ।
साथै पूर्ण धार्मिक स्वतन्त्रतासहितको हिन्दुराष्ट्र कायम हुनुपर्ने, पूर्व तथा सबै कर्मचारी र राजनीतिक दलका नेताको सम्पत्ति छानविनका लागि पनि उनले माग गरेका छन्।
केहीदिनअगाडी नेकपाकी केन्द्रीय सदस्य निरु पालले संघीयता खारेज गर्न प्रधानमन्त्री केपी शर्मा ओलीलाई सुझाव दिएकी थिइन् ।