काठमाडौं उपत्यकामा विभिन्न स्थानहरुमा सडक बढाउने क्रममा घरमाथि डोजर चल्न थालेपछि केही व्यक्तिहरु प्रश्न गर्न थालेका छन् । सडकले घर मिच्यो कि घरले सडक मिच्यो ।
पीडित व्यक्तिहरुका अनुसार उनीहरुको पुर्खाले त्यहाँ घर बनाउँदा न त त्यहाँ सडक थियो न त सडकपेटी नै ।
विस्तारै शहरमा मानिसहरुको जनघनत्व बढ्दै गएपछि सडक बन्यो उक्त सडकको लागि पेटी बन्यो । हुँदै हुँदै सडकको चौडाई कम भएको बन्दै सडक फराकिलो पार्न थालियो । फलस्वरुप त्यहाँ बनेका घरहरुमा डोजर चल्न थाल्यो ।
त्यहाँ सडक बन्नुभन्दा अगाडी बनेका घरहरुले सडक मिचेका हुन् कि पछि बनेको सडकले उनीहरुको घर वा आँगन मिचेको हो ।
एक सामाजिक सञ्जाल प्रयोगकर्ता फेसबुकमा लेख्छन् ।
मेरो पुर्खाले यहाँ घर बनाँउदा न त यहाँ सडक थियो न त पेटी, पछी सडक बन्यो, सडकलाई पेटी आबश्यक भएकोले मेरो घरको घाम ताप्ने, बालबालिका खेल्ने, धान सुकाउने आँगन पेटीमा परिणत भयो, चुपचाप बसें ।
पछी शहरमा बाहिरको मानिसहरुको चाप बढ्यो, सडक साँघुरो भयो रे, उनीहरुको सुबिधाको लागी सडक फराकिलो गर्नु पर्ने भयो रे । सरकारले मेरो घर नै पर्ने गरी सडक मापदण्ड तोकिदियो, अब मैले सडक मिचेर घर बनाँए रे ।
अब भन्नुस सडक बन्नु भन्दा अगाडी बनेको घरले सडक मिच्यो कि पछी बनेको सडकले मेरो घर र आँगन मिच्यो ? तैपनी म सहेर बसें । अब हुँदा हुंदा सर्वच्च अदालतमा बिचारधीन रहेको र सरकारको नाममा रोकादेश भएको मुद्दामा सरकारले बर्दिधारीहरु तैनाथ गरी दिनदहाडै मेरो घरमा डोजर लगाँउदा हामी निरिही जनता पीडित भयौं कि भएनौ ? यो कानुनी राज्यको उपहास हो कि हैन ?