हाँस्य कलाकार मदनकृष्ण श्रेष्ठको जिवनमा केही वर्ष अघि सम्म आजको दिन निकै उल्लासमय हुन्थ्यो । तर आज उनी निरास छन् । आज पौष १४ गते श्रेष्ठको जिवनसंगीनीको जन्मदिन । तर मदनलाई उनको श्रीमतीले संधैका लागि छोडेर यो संसारवाट विदा भइन् ।
आज मदनले आफ्नो श्रीमतीको जन्मदिन याद गरेका छन् । सामाजिक सञ्जाल फेसवुकमा निकै भावुक शब्द लेखेर मदनकृष्णले श्रीमतीको जन्मदिन सम्झिए ।
मेरी श्रीमती बाँचिरहकी भए आज हामी उन्को जन्मोत्सब मनाईरहेका हुन्थ्यौँ ।
संगै हुँदा हाम्रो जीवन खोला वारी र खोला पारीको बर र पिपल जस्तो हैन कि एउटै चौतारीमा उभिएर रमाई रहेका बर पिपल जस्तै थियौं ।
दरिलो, भरिलो, रसिलो, हँसिलो र जीवन्त थियो जिन्दगी ।
मेरो त्यो चौतारीको लहलहाउँदो पिपलको रुख ढलेको नि अब त दुई बर्ष नौ महिना भैसकेछ ।
एक दिन पोखराबाट सुप्रसिध्द गीतकार श्री प्रकट पगेनी शिबजीको फोन आयो र भन्नुभो, “मदनकृष्णजी मैले तपाईँलाई नै सम्झेर एउटा गीत लेखेर मेसेन्जरमार्फत पठाई दिएकोछु एक पटक हेर्नुस न है ” गीत पढेँ एकदमै मन पर्यो। छोरी सराना श्रेष्ठलाई पढेर सुनाउँदा उन्ले एकदमै मनपराईन । यमनले त झन तुरुन्त संगीतै भरीदियो ।
हुन त मेरो स्वरले पनि अब त मसंग सोसियल डिस्टाय्न्स मेन्टेन गर्न थालीसकेको छ ।तैपनि पोखरा निबनसी श्री प्रकट पगेनी शिबजीको शब्द, छोरा यमन श्रेष्ठको संगीतमा एउटा यो गीत गाएर महसंचारको यु्ट्यूबमा राखेको छु ।
मेरा लागि माया र आशिर्बादका महासागर समान दर्शक श्रोताहरुले मेरो नयाँ गीत लाई हेरेर सुनेर मनमनै गुनेर कमेन्ट पनि गरीदिनुहोला ताकि मलाई अझ केहि गर्न जोश र जागर जागोस ।