नेपालमा वितेको २४ घन्टामा थप ६०८ जनामा कोरोना भाइरसको संक्रमण पाइएको छ ।
स्वास्थ्य तथा जनसंख्या मन्त्रालयले आइतबार दिउँसो दिएको विवरणअनुसार देशभर रहेका ७९ प्रयोगशालामा ४ हजार १४२ जनाको नमूना परिक्षण गर्दा ३७१ पुरुष र २३७ महिलासहित जम्मा ६०८ जनामा कोरोना भाइरसको संक्रमण पाइएको छ ।
योसहित कूल संक्रमितको संख्या २ लाख ५७ हजार २ सय पुगेको छ जसमध्ये २ लाख ४८ हजार २९२ जना भाइरसमुक्त भएका छन् । पछिल्लो २४ घन्टामा ८९२ जना भाइरसमुक्त भएका हुन् ।
आज थप ८ जनाको निधन भएसँगै कोरोनाबाट ज्यान गुमाउनेको संख्या १ हजार ८१६ पुगेको छ ।
मन्त्रालयले अहिलेसम्म १९ लाख ३९२ जनाको नमूना परिक्षण गरिएको जनाएको छ ।
कूल संक्रमितमध्ये ९६ दशमलव ५४ प्रतिशत निको भएका छन्, शून्य दशमलव ७१ प्रतिशतले ज्यान गुमाएका छन् भने २ दशमलव ७६ प्रतिशत सक्रिय संक्रमितको अवस्थामा रहेका छन् । संख्यागत रुपमा हेर्दा अहिले सक्रिय संक्रमितको संख्या ७ हजार ९२ रहेको छ ।
आज काठमाडौं उपत्यकामा तीन जिल्लामा १६४ पुरुष र ११५ महिला गरी कूल २७९ जनामा भाइरसको संक्रमण पुष्टि भएको छ ।