सत्तारुढ दल नेपाल कम्युनिष्ट पार्टी (नेकपा) को केन्द्रमा देखिएको फुटको असर प्रदेशमा पनि देखिन थालेको छ ।
केन्द्रमा ओली समूह र प्रचण्ड माधव समूहले आ आफ्नो बहमुत भएको दावी गर्दै छुट्टाछुट्टै केन्द्रीय समितिको बैठक बस्न थालेपछि त्यसको असर प्रदेशमा पनि देखिएको हो ।
नेकपामा देखिएको विवादले गर्दा बागमती प्रदेशका तीन जना मन्त्रीले सामूहिक राजीनामा दिएका छन् ।
आन्तरिक मामिला तथा कानून मन्त्री शालिकराम जम्कट्टेल, उद्योग मन्त्री अरुण प्रसाद नेपाल र समाजिक विकास मन्त्री युवराज दुलालले सामूहिक राजीनामा दिएका हुन् ।
त्यसैगरी बागमती प्रदेशसभाका मुख्यमन्त्री डोरमणि पौडेलविरुद्ध नेपाल कम्युनिष्ट पार्टी (नेकपा) का बहुमत सांसदद्वारा शुक्रबार ११:२५ मा अविश्वासको प्रस्ताव दर्ता भएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
