शास्त्रमा व्याख्या गरिएअनुसार ग्रह,राशि तथा नक्षत्र हरुले पूर्णरूपमा कार्यगरिरहेकाे छ भन्ने प्रमाण शक्तिशाली रुपमा गठन भएकाे सरकार विघटनले प्रस्ट पारिसकेको छ जनताले पूर्णरूपमा बहुमत दिएर पठाएको सरकार पुनः असफल भयाे र जनमतको कदर हुन सकेन ।
कार्तिक १ गते देखि आरम्भ भएकाे शारदीय नवरात्र कार्तिक १० साेमबार देवी विसर्जन गरेपछि समापन भएकाे थियाे । नाै दिन सम्म देवीका छुट्टाछुट्टै नामले पुजागर्नुपर्ने शास्त्रीय नियमअनुसार हरेक घर तथा शक्ति पीठहरुमा पुजा समापन भयाे तर सरकारले धार्मिक स्थान नखाेल्दा पुजा हुन भने सकेन ।
देवी भागवतमा उल्लेख भएअनुसार घटस्थापनाका दिन भगवती दुर्गाकाे आगमनले भविष्यमा हुने शुभ या अशुभ घटना हरुकाे संकेत गर्ने गर्दछ । “शशि सूर्य गजारुढा शनिभाैमै तुरंगमे । गुराैशूक्रेच दाेलायां बुधे नाैकाप्रकीर्तिता “। यस श्र्लाेका अनुसार बार अनुसार देवीकाे आगमन अलग अलग वाहनमा हुने उल्लेख गरिएको छ ।
यदी नवरात्रकाे आरम्भ साेमबार या आईतवार बाटभएमा माताकाे आगमन हात्तीमा हुनेछ । शनिबार या मंगलबार यदी घटस्थापना परेमा देवीकाे आगमन अस्व अर्थात घाेडामा हुने उल्लेख गरिएको छ ।बिहिवार या शुक्रबारका दिन नवरात्र प्रारम्भ भएमा डाेलीमा सवार भएर माताकाे आगमन हुने उल्लेख गरिएको छ । बुधबारका दिनदेखि नवरात्र आरम्भ भएमा देवीकाे आगमन नावमा हुने उल्लेख गरिएको छ ।
कुन बार घटस्थापना पर्दा शुभ या अशुभ हुन्छ ?
गजेन जलदा देवी धान्यपूर्ण वसुन्धरा,नाैकायम धन- धान्यस्याद् सुखिनाम सर्व मानवा ।दाेलायम दुख: दुर्भिक्ष्छियम छत्र भंग तुरङ्गमे ।।
यस वर्षकाे नवरात्र कार्तिक १ गते शनिबारदेखि प्रारम्भ भएकाे हुनाले देवी भागवत पुराणमा उल्लेख भएअनुसार देवीकाे वाहन अस्व अर्थात घाेडामा चढेर सवार भएकाे छ । शस्त्रका अनुसार घाेडामा सवार भएमा छत्र भङ्ग याेग पर्ने भएकाले अशुभ हुने उल्लेख गरिएको छ ।
यस्ताे समयमा प्रजाहरुले दुख: भाेग्नु पर्ने,शासक बर्गहरुमा मतभिन्नता देखापर्नुका साथै छत्र भङ्ग याेग निर्माण हुनेहुदा लामाे समयदेखि रहिआएको एकता भङ्ग हुने पनि संकेत देखिएकाे छ । राष्ट्रपति ,प्रधानमन्त्री, प्रधान न्यायाधीश तथा सुरक्षा प्रमुख हरुलाई विशेष अनिष्ट हुने संकेत देखिएकाे छ ।
यस्ताे याेग परेकाे अवस्थामा राष्ट्र प्रमुखले विशेष रुपमा क्षमा पुजा तथा शक्तिको उपाशना गरेमा अशुभ फलभन्दा शुभ फलमा वृद्धि हुनेथियाे । अहिले देशका अधिकांश शक्ति पीठहरु बन्द छन् । जनता हरुलेपनि दर्शन गर्न पईरहेका छैन यस्ताे अवस्था शुभ भन्दा पनि अशुभ फलमा वृद्धि हुने भएकाले यसले राजनीति तथा देशमा नै ठूलै उथलपुथल ल्याउने संकेत देखिएकाे छ ।
यदी महा नवमीका दिन शक्तिपीठ हरुमा राष्ट प्रमुखले क्षमा पुजा गरे शुभ फल मिल्ने छ भनेर ज्याेतिषी हरुले जानकारी गराईरहेका थिए ।सराेकार वालाले समयमै ध्यान नपुर्याउनाले राजनीति दुर्घटना हुन पुगेकाे हाे ।
लेखक रिजाल ज्याेतिष तथा वास्तुविद् हुन ।
