प्रधानमन्त्री केपी शर्मा ओलीले संसद बिघटन गर्नका लागि आइतबार बिहान राष्ट्रपति समक्ष सिफारिस गरेको केही घन्टामै राष्ट्रपतिले संसद् विघटन स्वीकृत गरेपछि पूर्वप्रधानमन्त्री डा बाबुराम भट्टराईले राष्ट्रपतिलाई लक्षित गर्दै “जो रक्षक उही भक्षक” भनेका छन् ।
राष्ट्रपति कार्यालयका प्रवक्ता बद्रिनाथ अधिकारीले जारी गरेको विज्ञप्तीमा मन्त्रिपरिष्द्को निर्णय बमोजिम प्रधानमन्त्री केपी शर्मा ओलीको सिफारिसमा राष्ट्रपतिले प्रतिनिधि सभा बिघटन गरेको जानकारी गराएका छन्।
भट्टराई भन्छन् पहिल्यै साख गुमाइसकेको राष्ट्रपति संस्थाले यस्तै ‘जो रक्षक उही भक्षक’को भूमिका निर्वाह गर्नु के आश्चर्य भयो र?
उनले वर्तमान राष्ट्रपति र प्रधानमन्त्रीको टिम रहेसम्म लोकतन्त्रमाथि खतरा रहने पनि उल्लेख गरेका छन् ।
सामाजिक सञ्जाल ट्विटरमा ट्विट गर्दै बाबुराम लेख्छन्
पहिल्यै साख गुमाइसकेको राष्ट्रपति संस्थाले यस्तै’जो रक्षक उही भक्षक’को भूमिका निर्वाह गर्नु के आश्चर्य भयो र? वर्तमान राप र प्रमको टिम रहेसम्म लोकतन्त्रमाथि खतरा रहिरहनेछ भनेर हामीले भन्दै आएको कुरा पुनर्पुष्टी भएको छ! प्रतिगमनका अरू शृंखला क्रमश:उद्घाटित हुनसक्छन्।प्रतिरोध गरौं!
वर्तमान राप र प्रमको टिम रहेसम्म लोकतन्त्रमाथि खतरा रहिरहनेछ भनेर हामीले भन्दै आएको कुरा पुनर्पुष्टी भएको छ! प्रतिगमनका अरू शृंखला क्रमश:उद्घाटित हुनसक्छन्।प्रतिरोध गरौं!